Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

20 Май 2019

Капралас: для ўдзельнікаў II Еўрапейскіх гульняў у Мінску створаны камфортныя ўмовы

Капралас: для ўдзельнікаў II Еўрапейскіх гульняў у Мінску створаны камфортныя ўмовы

20 мая, Мінск /Кар. БЕЛТА/. Для ўдзельнікаў II Еўрапейскіх гульняў у Мінску створаны камфортныя ўмовы. Аб гэтым заявіў у час семінара Еўрапейскіх алімпійскіх камітэтаў (ЕАК) у Вене старшыня каардынацыйнай камісіі ЕАК па правядзенні II Еўрапейскіх гульняў Спірас Капралас, паведамляе БЕЛТА.

У сваім выступленні ён падкрэсліў, што ў яго няма сумненняў у правядзенні спартыўнага форуму на высокім узроўні. "У Мінску праведзена каласальная работа па падрыхтоўцы для таго, каб лепшыя атлеты Еўропы змаглі адчуваць сябе камфортна і канцэнтравацца на дасягненні найвышэйшых рэзультатаў. Магу таксама дадаць, што рэкамендацыі па паляпшэнні ўмоў пражывання атлетаў у Вёсцы спартсменаў цалкам задаволены. Усе спартыўныя аб'екты Еўрапейскіх гульняў ужо цалкам гатовы да правядзення спаборніцтваў", - адзначыў старшыня каардынацыйнай камісіі.

Спірас Капралас расказаў таксама аб высокім інтарэсе да II Еўрапейскіх гульняў за межамі Еўропы. "Правы на тэлевізійны паказ Еўрапейскіх гульняў набылі 43 краіны Старога Свету, яшчэ сем краін штодзень будуць паказваць найбольш яркія моманты спаборніцкіх дзён, так званыя хайлайты. Паказваць маючы адбыцца спартыўны форум будуць таксама 83 краіны, якія знаходзяцца за межамі Еўропы. Высокая цікавасць тлумачыцца ўдзелам многіх вядучых спартсменаў у спаборніцтвах у Мінску напярэдадні Алімпійскіх гульняў у Токіа ў 2020 годзе. ЕАК цесна супрацоўнічае з Алімпійскім каналам МАК, што дасць нам магчымасць распаўсюджваць сігнал на большую колькасць тэрыторый", - сказаў прадстаўнік ЕАК.

Намеснік дырэктара фонду "Дырэкцыя II Еўрапейскіх гульняў 2019 года" Анатоль Котаў анансаваў будучую прэзентацыю медалёў міжнароднага спартыўнага форуму, запланаваную на 21 мая ў Мірскім замку, а таксама адзначыў актыўныя продажы білетаў на спартыўны форум. Паводле яго слоў, найбольшым попытам карыстаюцца каратэ, гімнастычныя віды, пляжны футбол і лёгкая атлетыка.

У час семінара ЕАК у Вене зацверджана месца правядзення 16-га летняга Еўрапейскага алімпійскага юнацкага фестывалю і названа лепшая маладая спартсменка Еўропы ў зімовых відах спорту. Ёй стала 14-гадовая расійская фігурыстка Аляксандра Трусава. Таксама абмяркоўваліся справаздачы аб падрыхтоўцы да Алімпійскіх гульняў у Токіа-2020, Пекіне-2022 і Парыжы-2024, абноўленая інфармацыя ад Сусветнага антыдопінгавага агенцтва (WADA), новым кіраўніком якога восенню можа стаць Вітольд Банька з Польшчы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі