II Еўрапейскія гульні ў Беларусі

2 чэрвеня, Мінск /Кар. БЕЛТА/. Канцэпцыя работы з турыстамі на II Еўрапейскіх гульнях 2019 года абмеркавана ва ўрадзе на чарговым пасяджэнні рэспубліканскага арганізацыйнага камітэта па падрыхтоўцы і правядзенні Еўрагульняў, якое прайшло пад старшынствам прэм'ер-міністра Беларусі Андрэя Кабякова, паведамілі БЕЛТА ў прэс-службе ўрада.

Сярод іншага разгледжана канцэпцыя работы з турыстамі, а таксама слоган і талісман Еўрагульняў.

Перад абмеркаваннем падрыхтоўкі да спаборніцтваў Андрэй Кабякоў асабіста праверыў ход работ на спартыўных аб'ектах, якія рыхтуюцца прыняць Еўрагульні-2019. Кіраўнік урада наведаў аб'екты рэканструкцыі стадыёна "Дынама" і ўзводзімы Цэнтр алімпійскай падрыхтоўкі па мастацкай гімнастыцы. Як адзначыў Андрэй Кабякоў, гэтыя аб'екты павінны быць здадзены ў тэрмін.