У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | II Еўрапейскія гульні ў Беларусі

II Еўрапейскія гульні ў Беларусі

10 Чэр 2019

Беларускую граніцу перасеклі першыя балельшчыкі II Еўрапейскіх гульняў

Беларускую граніцу перасеклі першыя балельшчыкі II Еўрапейскіх гульняў
Фота ДПК

10 чэрвеня, Мінск /Кар. БЕЛТА/. Сёння пачаў працаваць бязвізавы рэжым для балельшчыкаў II Еўрапейскіх гульняў. Першыя перасеклі ўжо беларускую граніцу - праз аўтадарожны пункт пропуску "Брэст" у краіну прыбыла сям'я з Германіі, паведамілі БЕЛТА ў Дзяржаўным пагранічным камітэце.

Паводле апошніх даных, пагранічнікі аформілі больш за 70 іншаземцаў па білетах на спартыўныя мерапрыемствы Гульняў. Амаль палову з іх склалі грамадзяне Францыі.

Найбольш папулярнымі сярод гасцей II Еўрапейскіх гульняў з'яўляюцца аўтамабільны і чыгуначны напрамкі, а вось удзельнікі (усяго па стане на поўдзень 10 чэрвеня беларускую граніцу перасеклі амаль 100 чалавек) у абсалютнай большасці аддаюць перавагу авіяцыйнаму.

Удзельнікаў і гасцей Гульняў у пунктах пропуску афармляюць у прыярытэтным парадку па асобных каналах, абазначаных лагатыпам спаборніцтваў.

II Еўрапейскія гульні пройдуць у Мінску з 21 па 30 чэрвеня. Больш як 4 тыс. атлетаў з 50 краін разыграюць 200 камплектаў узнагарод у 15 відах спорту.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс