II Еўрапейскія гульні ў Беларусі

Беларускія самбісты заваявалі чатыры бронзавыя ўзнагароды на турніры II Еўрапейскіх гульняў

23 чэрвеня, Мінск /Кар. БЕЛТА/. Беларускія атлеты заваявалі чатыры бронзавыя ўзнагароды ў другі дзень турніру па самба II Еўрапейскіх гульняў, перадае карэспандэнт БЕЛТА.

На трэцюю прыступку п'едэстала гонару падымаліся Іван Аніскевіч (вагавая катэгорыя - 62 кг), Сцяпан Папоў (74 кг), Вольга Намазава (68 кг) і Святлана Цімашэнка (80 кг).

"Схватка далася цяжка, сапернік быў вельмі нязручны, высокі. На мінулым чэмпіянаце Еўропы я яму прайграў, цяпер узяў рэванш і рэабілітаваўся", - сказаў журналістам Іван Аніскевіч. Ён дадаў, што медаль II Еўрапейскіх гульняў - доўгачаканы, з 2015 года беларускаму атлету не ўдавалася заваяваць узнагарод міжнароднага форуму.

Яго партнёр па камандзе Сцяпан Папоў адзначыў высокі ўзровень канкурэнцыі ў самба. "Усе чатыры гады атлеты з краін Еўропы рыхтаваліся да II Еўрапейскіх гульняў. Нават расіяне, якія з'яўляюцца шматразовымі чэмпіёнамі свету, прайгравалі сёння.  Фізічна і псіхалагічна я быў гатовы спаборнічаць за золата, але, калі выйшаў на дыван, давялося цяжка. Тым не менш бронза - добры рэзультат для мяне", - сказаў спартсмен. Ён дадаў, што змагацца на дамашнім форуме - гэта вялікая адказнасць.

На турніры па самба II Еўрапейскіх гульняў за 18 камплектаў узнагарод спаборнічаюць 144 атлеты. Спаборніцтвы завершацца сёння ў мінскім Палацы спорту.

версія для друку

зрабіць стартавай

дабавіць у выбранае