Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

28 Jun 2019

Беларуска Васіліса Марзалюк заваявала залаты медаль турніру па барацьбе II Еўрапейскіх гульняў

Беларуска Васіліса Марзалюк заваявала залаты медаль турніру па барацьбе II Еўрапейскіх гульняў

28 чэрвеня, Мінск /Кар. БЕЛТА/. Беларуская спартсменка Васіліса Марзалюк (вагавая катэгорыя 76 кг) заваявала залаты медаль турніру па барацьбе II Еўрапейскіх гульняў, перадае карэспандэнт БЕЛТА.

У кваліфікацыйных схватках Васіліса Марзалюк перамагла расіянку Наталлю Вараб'ёву (2:1) і аўстрыйскую спартсменку Марціну Кюнц (3:2). У паўфінальным паядынку ва ўпартай барацьбе ёй удалося ўзяць верх над эстонкай Эп Мае - 5:3. У фінале беларуска была мацнейшая за немку Фрэнсі Раедэлт - 9:0.

"Я адчувала адказнасць і ведала, што спраўлюся з усім, проста ішла за перамогай. Сёння было лягчэй, чым учора, у мяне ўсё атрымалася", - сказала Васіліса Марзалюк. Яна дадала, што ў яе быў дзень нараджэння, таму цяпер яна збіраецца адпачыць з сябрамі і адзначыць гэта свята.

Галоўны трэнер у жаночай барацьбе Беларусі Алег Райхлін застаўся задаволены выступленнем сваёй каманды. "Першы дзень быў цяжкі, там, дзе мы спадзяваліся на медалі, не атрымалася іх заваяваць. А тут такая жорсткая канкурэнцыя. Ірына Курачкіна - малайчына, прайсці ўсе схваткі і выйграць. Проста няма слоў. Наперадзе Алімпіяда, таму няма часу, каб расслабляцца", - адзначыў ён.

Беларуска Ірына Курачкіна (57 кг) заваявала залаты медаль, Віялета Чырык (50 кг) стала пятай. У беларускіх барцоў-вольнікаў Алі Шабанава (86 кг) сярэбраная і ў Аляксандра Гуштына (97 кг) бронзавая ўзнагароды.

Турнір па барацьбе II Еўрапейскіх гульняў у сталічным Палацы спорту завершыцца 30 чэрвеня. Усяго ў спаборніцтвах прымаюць удзел 288 атлетаў, якія змагаюцца за 18 камплектаў медалёў.

Лукашэнка павіншаваў Васілісу Марзалюк з пераканаўчай перамогай на II Еўрапейскіх гульнях

29 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў члена нацыянальнай каманды па вольнай барацьбе Васілісу Марзалюк з пераканаўчай перамогай у вырашальнай схватцы на II Еўрапейскіх гульнях. Аб гэтым БЕЛТА паведамілі ў прэс-службе беларускага лідара.

"Вопыт, упэўненасць і моцны характар дазволілі табе паспяхова завяршыць усе паядынкі. Тваё золата - дастойная ўзнагарода за майстэрства, самааддачу і адданасць барацьбе. Ты наша гордасць!", - падкрэсліў Прэзідэнт.

Аляксандр Лукашэнка пажадаў Васілісе Марзалюк моцнага здароўя, дабрабыту і новых перамог.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі