У Беларусь без візы на 30 дзён
Афіцыйны сайт Рэспублікі Беларусь
Арына Пехцерава прадстаўляе Беларусь на дзіцячым
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

27 Чэр 2019

Арцём Козыр і Алена Наздрова сталі чэмпіёнамі Еўрапейскіх гульняў у веславанні на каноэ

Арцём Козыр і Алена Наздрова сталі чэмпіёнамі Еўрапейскіх гульняў у веславанні на каноэ

27 чэрвеня, Мінск /Кар. БЕЛТА/. Беларускія спартсмены Арцём Козыр і Алена Наздрова занялі першыя месцы ў веславанні на каноэ на спрынтарскай дыстанцыі 200 м на ІІ Еўрапейскіх гульнях, перадае карэспандэнт БЕЛТА.

Адзін з лідараў у гэтай дысцыпліне ў мужчын не пакінуў шанцаў саперніку. Вынік беларуса - 42,835 сек. Сярэбраная ўзнагарода ў Нікалаэ Крачыуна з Італіі, бронзу выйграў іспанец Альфонса Бенавідэс.

Алена Наздрова, нягледзячы на складаныя ўмовы надвор'я, упэўнена перамагла на 200 м сярод жанчын. Прадстаўніца Германіі Ліза Ян стала другой, а Дарота Бароўска з Польшчы - трэцяй.

Залатыя ўзнагароды Арцёма Козыра і Алены Наздровай папоўнілі скарбонку беларускіх весляроў на ІІ Еўрапейскіх гульнях медалямі вышэйшай пробы. Раней Марына Літвінчук і Вольга Худзенка перамаглі ў байдарцы-двойцы на 500 м, а ў адзіночцы на гэтай жа дыстанцыі Вольга Худзенка прынесла камандзе другое золата.

У дзённай праграме турніру па веславанні на байдарках і каноэ бронзавыя медалі ў байдарцы на 200 м у беларускай камандзе заваявалі Дзмітрый Траццякоў, на гэтай жа дыстанцыі Вольга Худзенка і Марына Літвінчук сталі трэцімі ў байдарках-двойках, уступіўшы на фінішы ўкраінкам Марыі Поўх/Людміле Кукліноўскай (першае месца) і дуэту з Германіі Цінэ Дзітцэ/Францыске Ён (другое месца).

Заключным відам праграмы на вяслярным канале ў Заслаўі стануць заезды на 5000 м у байдарцы ў мужчын і жанчын.

За спаборніцтвамі на вяслярным канале ІІ Еўрапейскіх гульняў сочыць з трыбуны Прэзідэнт Беларусі Аляксандр Лукашэнка.

За перыпетыямі барацьбы на водных дарожках таксама назіраюць алімпійскія чэмпіёны па веславанні на байдарках і каноэ Сяргей Макаранка, Аляксандр Багдановіч, Дзмітрый Даўгалёнак.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі