У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

4 Лют 2019

Арганізацыю фан-зон у час II Еўрапейскіх гульняў абмеркавалі на пасяджэнні аргкамітэта

Арганізацыю фан-зон у час II Еўрапейскіх гульняў абмеркавалі на пасяджэнні аргкамітэта

4 лютага, Мінск /Кар. БЕЛТА/. Арганізацыю фан-зон у час II Еўрапейскіх гульняў абмеркавалі на пасяджэнні рэспубліканскага арганізацыйнага камітэта па падрыхтоўцы і правядзенні гульняў у Беларусі, якое прайшло пад старшынствам прэм'ер-міністра Сяргея Румаса, паведамляе БЕЛТА са спасылкай на сайт урада.

Разгледжаны ход работ па падрыхтоўцы аб'екта для арганізацыі харчавання ўдзельнікаў II Еўрапейскіх гульняў у вёсцы спартсменаў. Заслуханы даклады аб рабоце аб'ектаў грамадскага харчавання і гандлю Мінска ў час спаборніцтваў, заключэнні дагавораў на выраб экіпіроўкі для катэгорый асоб, якія ўдзельнічаюць у правядзенні гульняў.

Удзельнікі пасяджэння таксама разгледзелі план мерапрыемстваў па правядзенні II Еўрапейскіх гульняў як спаборніцтваў, свабодных ад тытуню.

II Еўрапейскія гульні пройдуць у Мінску на 12 спартыўных аб'ектах. Больш за 4 тыс. атлетаў з 50 краін разыграюць 199 камплектаў узнагарод у 15 відах спорту. Спаборніцтвы ў васьмі відах стануць кваліфікацыйнымі да XXXII Алімпійскіх гульняў 2020 года ў Токіа. Спаборніцтвы па бадмінтоне, боксе і дзюдо пройдуць у рангу чэмпіянатаў Еўропы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі