Беларускі аўтамабільны завод

Беларускі аўтамабільны завод заснаваны ў верасні 1948 года ў горадзе Жодзіне. Асноўнай прадукцыяй ВА "БелАЗ" з’яўляюцца кар’ерныя самазвалы, франтальныя колавыя пагрузчыкі і бульдозеры, цягачы-эвакуатары, спецыяльныя транспартныя сродкі для падземных работ, ламавікі для металургічнай вытворчасці і іншыя спецыялізаваныя тэхналагічныя машыны. На БелАЗе працуюць амаль 10 тыс. чалавек. За ўсю гісторыю работы прадпрыемства распрацавана больш як 500 мадыфікацый кар’ерных самазвалаў ад 27 до 320 т. Выпушчана больш як 130 тыс. адзінак кар’ерных самазвалаў, якія працуюць у 70 краінах свету. Удзельная вага новых відаў прадукцыі па выніках 2007 года склала 55,7%. Беларускі аўтамабільны завод займае трэць сусветнага рынку кар’ерных самазвалаў і ўваходзіць у сямёрку вядучых сусветных канцэрнаў па вытворчасці кар’ернай тэхнікі.