Кулінарная спадчына. Жыхары Адэльска захоўваюць аўтэнтычныя рэцэпты

Нацыянальная кухня з'яўляецца часткай нематэрыяльнай спадчыны краіны. Аграгарадок Адэльск Гродзенскай вобласці славіцца сваімі кулінарнымі традыцыямі. Тут і сёння мясцовыя жыхары гатуюць старадаўнія стравы, беражліва захоўваючы сакрэты гатавання па аўтэнтычных рэцэптах і традыцыйных тэхналогіях. Бігас, бабка, кішка, хатні хлеб, клінковы сыр і многія іншыя стравы гарманічна ўваходзяць у паўсядзённае меню мясцовых жыхароў. Гаспадыні імкнуцца, як і раней, гатаваць стравы з мясцовых прадуктаў у печы. Многія рэцэпты ўключаны ў Дзяржаўны спіс гісторыка-культурных каштоўнасцей. У прыватнасці, элемент нематэрыяльнай культурнай спадчыны – "Стравы з таркаванай бульбы".