Відэа

Галоўнае дзяржаўнае свята – Дзень Незалежнасці – у гэтым годзе стала асаблівай падзеяй, прысвячэннем знакавым датам беларускай гісторыі: 70-годдзю Перамогі ў Вялікай Айчыннай вайне і 71-й гадавіне вызвалення краіны ад нямецка-фашысцкіх захопнікаў. Менавіта ў гэты дзень – 3 ліпеня 1944 года – у ходзе маштабнай наступальнай аперацыі "Баграціён" ад нямецкіх войскаў была вызвалена сталіца – горад Мінск. У нашы дні народ Беларусі памятае і шануе подзвіг воінаў, якія адстаялі права сучаснага пакалення на мірнае жыццё ў незалежнай краіне. Урачыстыя мерапрыемствы, па традыцыі, пачаліся з цырымоніі ўскладання вянкоў і кветак да мемарыяльных комплексаў, помнікаў і абеліскаў воінам ва ўсіх кутках краіны. У рамках святочнай праграмы прайшлі канцэрты беларускіх выканаўцаў і творчых калектываў, тэатралізаваныя шэсці, культурна-масавыя і спартыўныя мерапрыемствы, выстаўкі і кірмашы, народныя гулянні, у якіх прынялі ўдзел звыш 980 тысяч чалавек. Відэа