У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

28 Ліс 2017

Жылевіч: Беларусь на пасяджэнні ПА ЦЕІ ў Мінску ініцыіравала актуальныя для ўсёй Еўропы тэмы

Жылевіч: Беларусь на пасяджэнні ПА ЦЕІ ў Мінску ініцыіравала актуальныя для ўсёй Еўропы тэмы

28 лістапада, Мінск /Кар. БЕЛТА/. Беларусь на пасяджэнні Парламенцкай асамблеі Цэнтральна-Еўрапейскай ініцыятывы ў Мінску ініцыіравала актуальныя для ўсяго рэгіёна тэмы. Аб гэтым сёння журналістам заявіла пасол па асаблівых даручэннях МЗС Беларусі Наталля Жылевіч, якая прымае ўдзел у форуме, перадае карэспандэнт БЕЛТА.

Дыскусія, якая разгарнулася сёння на пасяджэнні ПА ЦЕІ ў Мінску, прысвечана лічбавым тэхналогіям ва ўмовах забеспячэння геапалітычнай бяспекі. Наталля Жылевіч звярнула ўвагу, што гэта ж тэма абмяркоўвалася, напрыклад, у ходзе саміту "Усходняга партнёрства" на мінулым тыдні ў Бруселі. "Беларусь ініцыіруе тэматыку, якая цікавая для ўсёй Еўропы. Тут падтрымліваюць прапановы беларускага боку", - адзначыла пасол.

На сустрэчы кіраўнікоў урадаў краін - удзельніц ЦЕІ ў Мінску ў снежні таксама будуць абмяркоўвацца прапанаваныя Беларуссю пытанні. Яны ўжо знайшлі сваё адлюстраванне ў плане дзеяння арганізацыі на 2018-2020 гады, які будзе разглядацца на саміце, і пяройдуць наступнаму старшыні ЦЕІ - Харватыі.

Дыпламат падкрэсліла, што ўсё гэта сведчыць аб тым, што Беларусь з яе багатым інтэлектуальным патэнцыялам здольна даць еўрапейскай супольнасці вельмі шмат.

Наталля Жылевіч адзначыла, што краіна ўпершыню старшынствуе ў ЦЕІ. Пасол назвала гэта вялікай падзеяй як для самой Беларусі, так і для еўрапейскай супольнасці. Усе мерапрыемствы, якія запланаваны на перыяд беларускага старшынства ў ЦЕІ ў 2017 годзе, паспяхова выконваюцца і прыцягваюць вялікую ўвагу да краіны. Дэвіз яе старшынства - "Пашырэнне сумяшчальнасці ў Вялікай Еўропе".

ЦЕІ - гэта рэгіянальнае аб'яднанне, якое ўключае 18 краін. Галоўная яго задача - садзейнічанне ўмацаванню гібкага і прагматычнага еўрапейскага рэгіянальнага супрацоўніцтва ў мэтах прадухілення ўтварэння новых раздзяляльных ліній у Еўропе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс