VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

4 Ліп 2016

Зааралек: Чэхія падтрымае Беларусь у паляпшэнні рэйтынгу ў АЭСР і ўступленні ў СГА

Зааралек: Чэхія падтрымае Беларусь у паляпшэнні рэйтынгу ў АЭСР і ўступленні ў СГА

4 ліпеня, Мінск /Кар. БЕЛТА/. Чэхія падтрымае Беларусь у паляпшэнні рэйтынгу ў Арганізацыі эканамічнага супрацоўніцтва і развіцця (АЭСР) і ўступленні ў Сусветную гандлёвую арганізацыю (СГА). Аб гэтым заявіў міністр замежных спраў Чэхіі Любамір Зааралек у праграме "Галоўны эфір", паказанай 3 ліпеня ў вячэрнім эфіры тэлеканала "Беларусь 1", паведамляе БЕЛТА.

"Чэхія і ў далейшым гатова падтрымліваць Беларусь у міжнародных арганізацыях. У прыватнасці, мы зацікаўлены ў тым, каб Беларусь атрымала лепшы рэйтынг у Арганізацыі эканамічнага супрацоўніцтва і развіцця, якая ацэньвае ўзровень развіцця нацыянальнай эканомікі. Яшчэ адна наша мэта - падтрымаць Беларусь у пытанні ўступлення ў СГА", - адзначыў Любамір Зааралек.

Паводле яго слоў, сёння шэраг чэшскіх прадпрымальнікаў выказваюць вялікі інтарэс да супрацоўніцтва з Беларуссю. "Мы сёння добра ўяўляем тыя сферы, у якіх можам прапанаваць супрацоўніцтва. Два тыдні таму адбыўся візіт у Беларусь місіі з 30 прадпрымальнікаў на чале з міністрам прамысловасці і гандлю Чэхіі. Мэтай гэтай сустрэчы было абмеркаванне шляхоў супрацоўніцтва ў галіне энергетыкі, у прыватнасці, электрыфікацыі чыгункі, і будаўніцтве мінскага метрапалітэна, размова ішла і аб аднаўляльных крыніцах энергіі, сельгасработах", - расказаў кіраўнік МЗС Чэхіі.

Закранаючы міжнародны парадак дня і тэму выхаду Вялікабрытаніі з ЕС, Любамір Зааралек выказаў меркаванне, што Brexit - значная падзея для ўсёй Еўропы, у тым ліку для Чэхіі. "Мы шкадуем, што так атрымалася. Цяпер невядома, што будзе адбывацца далей у Вялікабрытаніі: можа, пройдзе яшчэ адно галасаванне, а, магчыма, краіна сапраўды пакіне Еўрапейскі саюз. Мы цяпер павінны пачакаць", - лічыць ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход