У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

29 Стд 2018

Харстэд высока ацэньвае ўдзел Беларусі ў рабоце ПА АБСЕ

Харстэд высока ацэньвае ўдзел Беларусі ў рабоце ПА АБСЕ

29 студзеня, Мінск /Кар. БЕЛТА/. Спецпрадстаўнік Парламенцкай асамблеі АБСЕ па Усходняй Еўропе Кент Харстэд высока ацэньвае ўдзел Беларусі ў рабоце асамблеі. Аб гэтым ён паведаміў 28 студзеня ў эфіры тэлеканала АНТ, паведамляе БЕЛТА.

"Я хачу адзначыць, што мы высока ацэньваем удзел Беларусі ў рабоце ПА АБСЕ. Мінулы год быў асаблівым, паколькі Беларусь пагадзілася правесці на сваёй тэрыторыі летнюю сесію Парламенцкай асамблеі, а гэта адыграла вельмі вялікую ролю для яе іміджу ўнутры ПА АБСЕ. Сотні парламентарыяў з 56 краін прыбылі сюды на пасяджэнне", - сказаў Кент Харстэд. Паводле яго слоў, гэтыя людзі, даволі ўплывовыя, атрымалі добрае ўражанне аб тым, што адбываецца ў Беларусі, а гэта каштоўна.

Беларусь усё актыўней удзельнічае ў рабоце ПА і прапануе ініцыятывы ў розных галінах. Яны датычацца аховы навакольнага асяроддзя, процідзеяння гандлю наркотыкамі, гандлю людзьмі. Беларусь вельмі паспяховая ў гэтым напрамку, адзначыў Кент Харстэд.

Што датычыцца ініцыятывы Беларусі аб запуску "Хельсінкі-2", спецпрадстаўнік Парламенцкай асамблеі адзначыў, што гэта не тое пытанне, якое абмяркоўваецца ў ПА, паколькі гэту ідэю павінны разгледзець урады дзяржаў - удзельніц АБСЕ. "Але я лічу, што ў рамках АБСЕ ў Беларусі ёсць магчымасці прапаноўваць такія ініцыятывы. Да таго ж Беларусь ужо ведаюць ва ўсім свеце як пляцоўку для правядзення мінскіх перагавораў", - сказаў ён.

Прапанова перазапуску Хельсінкскага працэсу мае патрэбу ў канкрэтнай распрацоўцы, дадаў Кент Харстэд у праграме на тэлеканале "Беларусь 1". "І мы аб гэтым таксама гаварылі з міністрам замежных спраў. Так, гэта пэўны знак, што Беларусь хоча зрабіць многае ў рамках канцэпцыі АБСЕ. Мне здаецца, што прычына, па якой была агучана гэта ініцыятыва, - жаданне Беларусі зрабіць як мага больш для арганізацыі. І тут трэба справядліва заўважыць, што АБСЕ мае патрэбу ў такіх ініцыятывах ад усіх краін-удзельніц", - адзначыў спецпрадстаўнік.

У выніку перагаворнага працэсу ў Мінску пакуль не ўсе праблемы ўдалося вырашыць, але гэта не звязана з самой платформай для перагавораў, лічыць Кент Харстэд. "Я думаю, што гэта платформа - акрамя пытання ўрэгулявання канфлікту на ўсходзе Украіны - можа нават больш, - сказаў спецпрадстаўнік. - Мінск зарэкамендаваў сябе ў якасці надзейнай перагаворнай пляцоўкі. І я асабіста вельмі рады з'яўленню новых ініцыятыў у гэтай галіне".

Беларусь можа быць сярод краін, якіх лічаць мастамі паміж Усходам і Захадам, упэўнены Кент Харстэд. У Еўропе часта гавораць пра іншыя краіны як аб аналагічных мастах. Напрыклад, аўстрыйская Вена або Польшча, Фінляндыя. "Але, безумоўна, дзякуючы таму, як паказала сябе Беларусь, у прыватнасці ў час мінскага працэсу, можна з упэўненасцю сказаць, што яна можа быць у іх ліку. Тэрыторыя паміж Усходам і Захадам вельмі вялікая. Таму нам неабходна мець некалькі сувязных мастоў. І Беларусь - адзін з іх", - рэзюмаваў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс