У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

31 Сак 2017

Віцязь: Правядзенне кангрэса Асацыяцыі ўдзельнікаў касмічных палётаў сведчыць аб прызнанні Беларусі ў свеце

Віцязь: Правядзенне кангрэса Асацыяцыі ўдзельнікаў касмічных палётаў сведчыць аб прызнанні Беларусі ў свеце

31 сакавіка, Мінск /Кар. БЕЛТА/. Правядзенне Міжнароднага кангрэса Асацыяцыі ўдзельнікаў касмічных палётаў сведчыць аб прызнанні Беларусі ў свеце, заявіў у прэс-цэнтры БЕЛТА кіраўнік апарату Нацыянальнай акадэміі навук Беларусі акадэмік Пётр Віцязь.

Ён нагадаў, што Беларусь прызнана ААН касмічнай дзяржавай і працуе па тэме космасу з шэрагам арганізацый на міжнародным узроўні. "Правядзенне кангрэса Асацыяцыі ўдзельнікаў касмічных палётаў яшчэ раз сведчыць аб прызнанні нашай краіны ў свеце", - падкрэсліў Пётр Віцязь.

Кіраўнік апарату НАН адзначыў, што магчымасць прыняць у сябе такі кангрэс з'яўляецца вельмі значнай для любой краіны, паколькі на яго збіраюцца касманаўты з усяго свету і абмяркоўваюць будучае касманаўтыкі і касмічных тэхналогій. "Цяпер у свеце ідзе бум з пункту гледжання космасу ў многіх краінах. Абмяркоўваецца не толькі развіццё спадарожнікаў дыстанцыйнага зандзіравання, але перш за ўсё вывучэнне самога космасу і планет, на якіх чалавек можа ствараць станцыі - напрыклад, Месяца або Марса. Гэта гучыць фантастычна, але ўсе новыя тэхналогіі некалі здаваліся фантастыкай", - заявіў ён.

Міжнародны кангрэс Асацыяцыі ўдзельнікаў касмічных палётаў у верасні 2018 года прыме Беларусь. Такое рашэнне было прынята на пасяджэнні Асацыяцыі ўдзельнікаў касмічных палётаў у Тулузе (Францыя). Кангрэс, які пройдзе ў Беларусі, стане 31-м па ліку. Штогод ён збірае вядомых касманаўтаў і астранаўтаў, прадстаўнікоў навукова-даследчых устаноў, нацыянальных касмічных агенцтваў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс