2 ліпеня, Масква /Эдуард Півавар - БЕЛТА/. 70-годдзе вызвалення Беларусі ад нямецка-фашысцкіх захопнікаў нагадвае славянскім народам пра неабходнасць быць разам. Такую думку выказала журналістам першая жанчына-касманаўт, Герой Савецкага Саюза, дэпутат Дзярждумы Расіі Валянціна Церашкова, перадае карэспандэнт БЕЛТА.
"Гэта цудоўная дата - вялікае свята, якое не толькі прынесла свабоду Беларусі, яно паказала, што толькі разам нашы народы моцныя і могуць супрацьстаяць любому ворагу", - сказала Валянціна Церашкова.
Яна адзначыла, што па праву лічыць Беларусь сваёй другой Радзімай, паколькі яе бацькі з Беларусі: маці - з Дубровенскага раёна Віцебскай вобласці, а бацька - з-пад Магілёва. "У час вайны маці нам спявала калыханкі на беларускай мове, беларускія песні да гэтага часу гучаць у нашай сям'і", - расказала Валянціна Церашкова.
"Для расіян беларусы - асаблівы народ, - лічыць першая ў свеце жанчына-касманаўт. - Мы звязаны з Беларуссю самымі светлымі і добрымі пачуццямі".
Пн | Аўт | Сер | Чцв | Пт | Сб | Нядз |
---|