24 мая, Мінск /Кар. БЕЛТА/. Выстаўкі такога ўзроўню, як Міжнародны аўтасалон "Мотаршоу", даюць магчымасць Беларусі прыцягнуць у краіну замежных інвестараў. Такое меркаванне выказаў міністр гандлю Валянцін Чаканаў, наведваючы 23 мая выстаўку, паведаміў карэспандэнту БЕЛТА прэс-сакратар міністэрства Дзмітрый Маліноўскі.
Аўтасалон "Мотаршоу" адкрыўся 23 мая ў Мінску. Упершыню выстаўку прымае самая вялікая і сучасная пляцоўка краіны "Мінск-Арэна". Валянцін Чаканаў наведаў практычна ўсе стэнды, на якіх былі прадстаўлены ў тым ліку сусветныя брэнды. На яго думку, такія мерапрыемствы ў далейшым могуць паслужыць іх развіццю і папулярызацыі на рынках Беларусі.
У цэлым Валянцін Чаканаў даў высокую ацэнку арганізацыі выстаўкі, адзначыўшы, што гэта пацвярджае і прысутнасць на ёй вялікай колькасці сусветных брэндаў.
Пн | Аўт | Сер | Чцв | Пт | Сб | Нядз |
---|