У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

29 Ліп 2019

У беларуска-кітайскіх адносінах падтрымліваецца стабільная дынаміка развіцця - ваенны аташэ

У беларуска-кітайскіх адносінах падтрымліваецца стабільная дынаміка развіцця - ваенны аташэ

29 ліпеня, Мінск /Аліна Грышкевіч - БЕЛТА/. У беларуска-кітайскіх адносінах падтрымліваецца стабільная і здаровая дынаміка развіцця. Аб гэтым заявіў ваенны і ваенна-паветраны аташэ пры пасольстве КНР у Беларусі Цюй Хуэйцзян 26 ліпеня на ўрачыстым мерапрыемстве з нагоды 92-й гадавіны з дня ўтварэння Народна-вызваленчай арміі Кітая, паведамляе карэспандэнт БЕЛТА.

"Пад кіраўніцтвам Старшыні Сі Цзіньпіна і Прэзідэнта Аляксандра Лукашэнкі кітайска-беларускія адносіны заўсёды падтрымліваюць стабільную і здаровую дынаміку развіцця. Абодва бакі стварылі ўсёабдымнае стратэгічнае партнёрства ўзаемнага даверу, супрацоўніцтва і ўзаемнай выгады, - сказаў Цюй Хуэйцзян. - Кітай і Беларусь - сябры, якія аказваюць адзін аднаму цвёрдую падтрымку на аснове братэрскай дружбы".

Аташэ дадаў, што двухбаковыя адносіны пастаянна ўмацоўваюцца, прагматычнае супрацоўніцтва становіцца ўсё больш глыбокім, уздымае на новы этап усебаковае развіццё. "Уступаючы ў новую эпоху развіцця, Кітай гатовы працаваць разам з Беларуссю для рэалізацыі дамоўленасцей кіраўнікоў дзвюх дзяржаў і развіваць адносіны паміж краінамі і ўзброенымі сіламі для дасягнення новых рэзультатаў", - заявіў Цюй Хуэйцзян.
 
 Дыпламат звярнуў увагу, што свет знаходзіцца на парозе беспрэцэдэнтных за апошнія 100 гадоў перамен, пры гэтым няпэўнасць і нестабільнасць узрастаюць. Паводле слоў аташэ, Кітай паважае суверэнітэт, незалежнасць і тэрытарыяльную цэласнасць усіх краін і падтрымлівае выбраныя імі шляхі развіцця. Разам з тым КНР ніколі не адмовіцца ад сваіх законных правоў і інтарэсаў.

 Цюй Хуэйцзян падкрэсліў, што кітайскія Узброеныя Сілы цвёрда стаяць на абароне сусветнай бяспекі і стабільнасці. Кітай актыўна падтрымлівае міратворчыя аперацыі ААН, развівае ваеннае супрацоўніцтва з больш як 150 краінамі, а больш як з 40 краінамі запусціў мезанізмы кансультацый па пытаннях абароны.

У сваю чаргу міністр абароны Беларусі Андрэй Раўкоў падкрэсліў, што ваеннае супрацоўніцтва з'яўляецца толькі адным з элементаў усёабдымнага ўзаемадзеяння Беларусі і Кітая. Надзейным фундаментам для яго развіцця застаюцца адносіны, якія гістарычна склаліся паміж дзвюма дзяржавамі.

 

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску