У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

10 Ліп 2017

Сусветная турысцкая арганізацыя гатова садзейнічаць увядзенню ў Беларусі электронных віз

Сусветная турысцкая арганізацыя гатова садзейнічаць увядзенню ў Беларусі электронных віз

10 ліпеня, Мінск /Кар. БЕЛТА/. Сусветная турысцкая арганізацыя гатова садзейнічаць увядзенню ў Беларусі сістэмы электронных віз для замежных турыстаў. Аб гэтым у інтэрв'ю тэлеканалу СТБ заявіў генеральны сакратар Сусветнай турысцкай арганізацыі (ЮНВТО) Талеб Рыфаі, паведамляе БЕЛТА.

Беларусі неабходна павялічваць колькасць дзён бязвізавага знаходжання для замежных турыстаў, упэўнены генеральны сакратар ЮНВТО. "Намнога выгадней прыцягваць турыстаў, якія прыедуць на большы тэрмін. Самі іншаземцы хацелі б застацца тут даўжэй, - сказаў ён. - Пры гэтым неабавязкова пашыраць спіс краін, для якіх дзейнічае бязвізавы ўезд. Напэўна, трэба перайсці на электронны варыянт віз, каб можна было б запоўніць усю інфармацыю анлайн".

Такая сістэма бяспечная і зручная, бо турыст можа адразу заплаціць за візу анлайн і, напрыклад, атрымаць пэўны код, па якім потым уехаць у краіну, растлумачыў Талеб Рыфаі. Многія краіны ўжо выкарыстоўваюць такі механізм, і ён добра працуе, дадаў генеральны сакратар. "Калі вы зробіце гэта цяпер, то сэканоміце вельмі шмат часу ў будучым. З боку Сусветнай турысцкай арганізацыі мы гатовы прапанаваць сваю дапамогу", - падкрэсліў ён.

Паводле слоў кіраўніка ЮНВТО, перспектыўным для Беларусі з'яўляецца развіццё экатурызму, паколькі ў краіне вельмі прыгожая прырода, ёсць што паказаць іншаземцам, у тым ліку прапанаваць ім назіранне за птушкамі. Прыярытэтнымі для краіны могуць стаць культурны, гастранамічны, медыцынскі турызм, рэзюмаваў Талеб Рыфаі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс