Прамовы і інтэрв’ю

6 ліпеня, Мінск /Уладзімір Мацвееў - БЕЛТА/. Часовы павераны ў справах Злучаных Штатаў Амерыкі ў Беларусі Скот Роланд бачыць магчымасць поўнай нармалізацыі беларуска-амерыканскіх адносін. Аб гэтым ён заявіў сёння на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Мы вельмі рады за прагрэс, якога мы дасягнулі тут за апошнія два гады. Хочам падзякаваць вам і Міністэрству замежных спраў, якое супрацоўнічала з намі па многіх пытаннях. Мы спадзяёмся, што гэта дае станоўчы імпульс для поўнай нармалізацыі адносін у будучым", - заявіў дыпламат.

"Вашынгтон хацеў, каб я вам перадаў: мы гатовы і ў далейшым супрацоўнічаць з Беларуссю, каб было добрае будучае. Галоўнае, каб тэрытарыяльны суверэнітэт і незалежнасць Беларусі былі на самым высокім і моцным узроўні", - сказаў Скот Роланд.

"Вы ў гэтым можаце не сумнявацца", - запэўніў беларускі лідар.