16 верасня, Брэст /Святлана Вячорка - БЕЛТА/. Беларусі трэба больш інфармаваць патэнцыяльных інвестараў аб умовах вядзення бізнесу і магчымасцях сваёй краіны. Такое меркаванне выказаў Часовы павераны ў справах ЗША ў Беларусі Скот Роланд, адказваючы на пытанне карэспандэнта БЕЛТА аб маючым адбыцца I Беларуска-амерыканскім інвестыцыйным форуме.
"Я думаю, што гэта важна - інфармаваць інвестараў любой краіны аб умовах у Беларусі. Амерыка далёка ад Еўропы, ад Беларусі. І, вядома, трэба больш працаваць, каб інфармаваць амерыканцаў аб мясцовых магчымасцях. Гэта, безумоўна, добрая ідэя, добрая ініцыятыва з беларускага боку", - сказаў ён, дадаўшы, што Беларуска-амерыканскі інвестыцыйны форум з'яўляецца праектам пасольства Беларусі ў Вашынгтоне.
I Беларуска-амерыканскі інвестыцыйны форум пройдзе 22 верасня ў Нью-Ёрку. Удзел у форуме прыме прэм'ер-міністр Беларусі Міхаіл Мясніковіч.
Часовы павераны ў справах ЗША ў Беларусі знаходзіцца з рабочым візітам у Брэсцкай вобласці. 16 верасня ён сустрэўся са старшынёй Брэсцкага аблвыканкама Канстанцінам Сумарам. Напярэдадні, 15 верасня, Скот Роланд удзельнічаў у афіцыйнай цырымоніі ўзнагароджання Фонду развіцця Брэсцкай крэпасці за перамогу ў сусветным конкурсе праектаў у рамках "Пасольскага фонду захавання культурнай спадчыны", заснаванага Дзяржаўным дэпартаментам ЗША. Праект фонду "Інвентарызацыя і дакументацыя фартоў і ўмацаванняў крэпасці Брэст-Літоўск" атрымаў грант на $101 тыс.
Пн | Аўт | Сер | Чцв | Пт | Сб | Нядз |
---|