У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

19 Кст 2016

Рыжанкоў: Беларусь выступіць з шэрагам ініцыятыў на Генасамблеі ЕАК у Мінску

Рыжанкоў: Беларусь выступіць з шэрагам ініцыятыў на Генасамблеі ЕАК у Мінску

19 кастрычніка, Мінск /Кар. БЕЛТА/. Беларусь выступіць з шэрагам ініцыятыў на 45-й Генеральнай асамблеі Еўрапейскіх алімпійскіх камітэтаў (ЕАК) у Мінску. Аб гэтым паведаміў сёння журналістам першы віцэ-прэзідэнт НАК Беларусі Максім Рыжанкоў на прэс-канферэнцыі, прысвечанай правядзенню адной з самых буйных спартыўных падзей, перадае карэспандэнт БЕЛТА.

Першы віцэ-прэзідэнт НАК падзякаваў асацыяцыі ЕАК за прадастаўленае права арганізацыі такога значнага мерапрыемства. Ён таксама падкрэсліў, што Мінску давялося вытрымаць сур'ёзную канкурэнцыю з боку іншых гарадоў. "Беларусь еўрапейскай алімпійскай супольнасцю ўспрымаецца як краіна, якая любіць і паважае спорт, мае дастатковыя рэсурсы для правядзення такіх буйных форумаў, як 45-я Генеральная асамблея Еўрапейскіх алімпійскіх камітэтаў (ЕАК). У ходзе яе работы ўдзельнікі і госці таксама азнаёмяцца са спартыўнымі аб'ектамі, турыстычным патэнцыялам і развітой сістэмай атэляў у Мінску. Упэўнены, гэта дасць магчымасць у будучым беларускаму боку, нашым федэрацыям па відах спорту прэтэндаваць на правядзенне самых буйных міжнародных падзей", - расказаў Максім Рыжанкоў.

Рыжанкоў: Беларусь выступіць з шэрагам ініцыятыў на Генасамблеі ЕАК у Мінску"Беларускі бок прыме актыўны ўдзел у 45-й Генасамблеі і выступіць з шэрагам ініцыятыў. Цяпер найбольш актуальнае пытанне сусветнага спорту - барацьба з прымяненнем забароненых прэпаратаў. На наш погляд, па праблеме допінгу павінна быць выпрацавана кансалідаваная пазіцыя Нацыянальнымі алімпійскімі камітэтамі. Тут неабходна большая адкрытасць і транспарэнтнасць у дзейнасці такіх міжнародных структур, як Сусветнае антыдопінгавае агенцтва (WADA). Міжнародны алімпійскі камітэт (МАК) ужо зрабіў крокі ў гэтым напрамку, і, спадзяёмся, такая работа прадоўжыцца. Падкрэслю, важна ўлічваць і кансалідаванае меркаванне Нацыянальных алімпійскіх камітэтаў асобных краін. На жаль, голас рэгіянальных асацыяцый НАКаў чутны не заўсёды. Мы ж хацелі, каб пункт гледжання рэгіянальных арганізацый больш улічваўся ў міжнародным алімпійскім руху: пачынаючы ад выбару месца правядзення Алімпійскіх гульняў і завяршаючы пытаннямі антыдопінгавай палітыкі", - адзначыў першы віцэ-прэзідэнт НАК Беларусі.

Таксама Беларусь цікавіць рэалізацыя праграм па лініі МАК па падтрымцы дзіцяча-юнацкага спорту і атлетаў, якія завяршаюць сваю спартыўную кар'еру.

Рыжанкоў: Беларусь выступіць з шэрагам ініцыятыў на Генасамблеі ЕАК у МінскуГенеральная асамблея Еўрапейскіх алімпійскіх камітэтаў пройдзе ў Мінску з 20 па 22 кастрычніка. У першы дзень адбудзецца пасяджэнне Выканаўчага камітэта ЕАК, прэзентацыя новага лагатыпа асацыяцыі. Асноўныя мерапрыемствы пройдуць у штаб-кватэры НАК Беларусі ў Зале алімпійскай славы 21-22 кастрычніка. А 21 кастрычніка ў Нацыянальным акадэмічным Вялікім тэатры оперы і балета адбудзецца ўрачысты вечар, прысвечаны 25-годдзю з моманту заснавання Нацыянальнага алімпійскага камітэта Беларусі. На мерапрыемства будуць запрошаны чэмпіёны і прызёры Алімпійскіх гульняў, трэнеры і спецыялісты, знакамітыя спартсмены, дэлегаты і госці Генасамблеі.

Для асвятлення работы 45-й Генеральнай асамблеі ЕАК акрэдытаваны больш за 80 беларускіх і 20 замежных прадстаўнікоў СМІ, якія ў ліку іншых прадстаўляюць інфармацыйныя агенцтвы "Асашыэйтэд Прэс", "Рэйтэр", МІА "Расія сёння", нямецкі тэлеканал WDR. Лагатыпам 45-й Генасамблеі ЕАК у Мінску стане стылізаваны пад інкрустацыю саломкай беларускі васілёк.

У мінулым годзе падвядзенне вынікаў Еўрапейскай асацыяцыі Еўрапейскіх алімпійскіх камітэтаў адбылося ў Празе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс