Прамовы і інтэрв’ю

Румынія цэніць актыўны ўдзел Беларусі ва "Усходнім партнёрстве" - Машану

24 студзеня, Мінск /Аліна Грышкевіч - БЕЛТА/. Румынія як старшынствуючая ў Савеце ЕС краіна цэніць актыўны ўдзел Беларусі ва "Усходнім партнёрстве". Аб гэтым заявіў пасол Румыніі ў Беларусі Віярэл Машану сёння на мерапрыемстве з нагоды пачатку румынскага старшынства ў Савеце Еўрапейскага саюза, перадае карэспандэнт БЕЛТА.

"Румынія ў час свайго старшынства будзе падтрымліваць прыхільнасць Еўрапейскага саюза да ўзаемадзеяння з Беларуссю на аснове агульных інтарэсаў і каштоўнасцей, - падкрэсліў кіраўнік румынскай дыпламатычнай місіі. - Мы будзем прадаўжаць працаваць, як і раней, разам з усімі зацікаўленымі бакамі ў Мінску для забеспячэння суверэнітэту і незалежнасці Беларусі, стабільнай і працвітаючай будучыні для народа. Румынія цэніць актыўны ўдзел Беларусі ва "Усходнім партнёрстве". Дыпламат заўважыў, што з улікам геаграфічнай блізкасці да ЕС гэта з'яўляецца асабліва актуальным для румынскага боку, як старшынствуючага ў Савеце ЕС.

Румынія вызначыла прыярытэты свайго старшынства ў Савеце Еўрапейскага саюза, якія абапіраюцца на чатыры стаўпы дзейнасці: Еўропа збліжэння; больш бяспечная Еўропа; Еўропа як больш моцны глабальны ігрок; Еўропа агульных каштоўнасцей.

версія для друку

зрабіць стартавай

дабавіць у выбранае