9 кастрычніка, Мінск /Кар. БЕЛТА/. У Беларускім дзяржаўным музеі гісторыі Вялікай Айчыннай вайны ўдаецца адчуць сапраўдны дух Перамогі. Аб гэтым сёння заявіў Прэзідэнт Туркменістана Гурбангулы Бердымухамедаў, наведваючы музей, перадае карэспандэнт БЕЛТА.
"Мне ўдалося пабываць у многіх музеях свету, але толькі ў беларускім музеі гісторыі Вялікай Айчыннай вайны я адчуў сапраўдны дух Перамогі. Наведаўшы ўсе залы, я пранёс праз сябе ўсе гэтыя падзеі", - сказаў Гурбангулы Бердымухамедаў. Прэзідэнт Туркменістана адзначыў, што яму спадабалася, што залы музея сфарміраваны ў храналагічным парадку.
"Знаходзячыся ў Беларускім дзяржаўным музеі гісторыі Вялікай Айчыннай вайны, мы схіляем галовы перад бессмяротным гераізмам мужных сыноў і дачок нашых народаў, праяўленым у бязлітасных баях супраць фашысцкіх захопнікаў за свабоду і незалежнасць роднай зямлі, - напісаў Прэзідэнт Туркменістана ў Кнізе ганаровых наведвальнікаў музея. - Экспанаты гэтага музея маюць неацэннае значэнне ў справе выхавання падрастаючага пакалення ў духу патрыятызму і гуманізму, дружбы і братэрства".
Пн | Аўт | Сер | Чцв | Пт | Сб | Нядз |
---|