Прамовы і інтэрв’ю

Ключавой тэмай канферэнцыі стала рэгуляванне эканомікі ва ўмовах Адзінай эканамічнай прасторы. "Цяпер Адзіная эканамічная прастора знаходзіцца на стадыі фарміравання агульнага рынку перамяшчэння тавараў, і перад Беларуссю стаіць пытанне захавання канкурэнтаздольнасці перш за ўсё ў такіх сферах, як умовы функцыянавання бізнесу, кіруемасць эканомікі, эфектыўнасць работы прадпрыемстваў", - растлумачыў намеснік міністра.

На думку Дзмітрыя Голухава, далейшыя дзеянні дзяржавы павінны быць сканцэнтраваны на максімальнай аптымізацыі і павышэнні празрыстасці бюджэтных працэсаў, выбудоўванні правільнай палітыкі цэнавага рэгулявання, развіцці перакрыжаванага субсідзіравання. "Напрамкаў шмат, але ўсе яны пачынаюцца з мадэрнізацыі сістэмы макраэканамічнага планавання, - дадаў намеснік міністра. - Эфект ад прагнозаў, якія цяпер мы робім на пяцігодкі, а можам рабіць на трохгадовыя перыяды, несумненна, будзе".

Дзмітрый Голухаў адзначыў, што канферэнцыя з'яўляецца добрай пляцоўкай для таго, каб эканамісты, вучоныя, прадстаўнікі ўлады і прыватнага сектара як з Беларусі, так і іншых краін маглі абмяняцца меркаваннямі па спрэчных пытаннях эканамічнага планавання, прапанаваць варыянты іх вырашэння, якія ў перспектыве могуць знайсці адлюстраванне ў рэальнасці.

Міжнародную навукова-практычную канферэнцыю "Дзяржаўнае рэгуляванне эканомікі і павышэнне эфектыўнасці дзейнасці суб'ектаў гаспадарання" праводзяць Акадэмія кіравання пры Прэзідэнце Беларусі і Саюз некамерцыйных арганізацый "Канфедэрацыя прамыслоўцаў і прадпрымальнікаў (наймальнікаў)". Удзел у форуме прымаюць 250 чалавек, у тым ліку з Расіі, Украіны, Азербайджана, Казахстана, Польшчы, Балгарыі, Кітая, Эстоніі, Малдовы.

На абмеркаванне вынесены такія тэмы, як дзяржаўнае рэгуляванне сучаснай эканомікі, дзяржаўна-прыватнае партнёрства, зялёная эканоміка як аснова ўстойлівага развіцця дзяржавы, ідэалогія ў дзяржаўным кіраванні, прававое забеспячэнне дзяржаўнага кіравання, інфармацыйна-камунікацыйныя тэхналогіі ў дзяржаўным кіраванні і эканоміцы.