У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

6 Май 2017

Папкоў: Huawei будзе ажыццяўляць важныя тэлекамунікацыйныя праекты ў "Вялікім камені"

Папкоў: Huawei будзе ажыццяўляць важныя тэлекамунікацыйныя праекты ў

6 мая, Мінск /Кар. БЕЛТА/. Huawei сумесна з вядучымі кітайскімі аператарамі будзе ажыццяўляць важныя тэлекамунікацыйныя праекты ў Кітайска-беларускім індустрыяльным парку "Вялікі камень". Аб гэтым паведаміў міністр сувязі і інфарматызацыі Беларусі Сяргей Папкоў, выступаючы сёння на цырымоніі ўручэння сертыфікатаў студэнтам, якія паспяхова прайшлі адбор і накіроўваюцца на стажыроўку ў Кітай па міжнароднай праграме "Насенне будучыні", перадае карэспандэнт БЕЛТА.

Кіраўнік ведамства звярнуў увагу на той факт, што кітайская кампанія Huawei даўно прысутнічае на беларускім рынку і паспяхова рэалізуе нямала праектаў. Значным з'яўляецца і міжнародны праект "Насенне будучыні", дзе прадугледжана навучанне беларускіх студэнтаў у КНР. Сяргей Папкоў адзначыў, што гэта вучоба адпавядае беларускім патрабаванням і важная з пункту гледжання абмену вопытам і ўдасканалення ведаў моладзі.

Міністр перакананы, што супрацоўніцтва Беларусі і кампаніі Huawei, якая рэалізуе гэты адукацыйны праект, будзе паглыбляцца, напаўняючыся новымі праектамі, у тым ліку тэлекамунікацыйнымі на тэрыторыі індустрыяльнага парка "Вялікі камень".

У сваю чаргу першы намеснік міністра адукацыі Вадзім Богуш падкрэсліў, што Беларусь і Кітай звязваюць цёплыя, дружалюбныя адносіны, у тым ліку ў адукацыйнай сферы. Паводле яго слоў, моладзь - гэта аснова для развіцця будучага двухбаковага ўзаемадзеяння. "Тое, што мы будзем будаваць у будучым ва ўсіх сферах, у тым ліку ў інфармацыйна-камунікацыйнай, залежыць ад моладзі".

Вадзім Богуш таксама адзначыў, што супрацоўніцтва Міністэрства адукацыі Беларусі і Huawei - гэта добры прыклад выбудоўвання партнёрскіх адносін, і з такіх крокаў выбудоўваецца агульная дынаміка беларуска-кітайскага супрацоўніцтва.

Старшыня таварыства дружбы "Беларусь-Кітай" Анатоль Тозік звярнуў увагу, што Huawei ўносіць вялікі ўклад у развіццё беларуска-кітайскага ўзаемадзеяння, і гэта адукацыйны праект - добры складнік двухбаковага супрацоўніцтва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс