Прамовы і інтэрв’ю

26 жніўня, Мінск /Аліна Грышкевіч - БЕЛТА/. Прэзідэнт Казахстана Нурсултан Назарбаеў заклікае да неадкладнага вырашэння гуманітарнай катастрофы на ўсходзе Украіны. Аб гэтым ён заявіў на сустрэчы лідараў мытнай "тройкі", Украіны і прадстаўнікоў ЕС, перадае карэспандэнт БЕЛТА.

"Цяпер трэба забяспечыць перш за ўсё маштабную гуманітарную дапамогу насельніцтву Украіны, якое пацярпела, - падкрэсліў казахстанскі лідар. - Расійская Федэрацыя пачала ўжо яе аказваць. У гэтым працэсе павінны прыняць удзел міжнародныя арганізацыі, у тым ліку Мытны саюз, СНД".

Казахстан са свайго боку гатовы аказаць падтрымку, у тым ліку па лініі казахстанскага аддзялення таварыства Чырвонага Крыжа. Паводле слоў Нурсултана Назарбаева, гэта арганізацыя таксама можа выступіць у якасці нейтральнага пасрэдніка пры канваіраванні гуманітарных грузаў іншых дзяржаў.

"У цэлым важна забяспечыць непрадузяты міжнародны кантроль над дастаўкай гуманітарнай дапамогі Украіне. Таму я заклікаю канфліктуючыя бакі аб'явіць перамір'е на час аказання дапамогі людзям", - сказаў Нурсултан Назарбаеў.