Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

19 Снж 2017

МВФ: Эканоміка Беларусі аднаўляецца ў выніку больш эфектыўных мер эканамічнай палітыкі

МВФ: Эканоміка Беларусі аднаўляецца ў выніку больш эфектыўных мер эканамічнай палітыкі

19 снежня, Мінск /Кар. БЕЛТА/. Выканаўчы савет Міжнароднага валютнага фонду (МВФ) 13 снежня завяршыў кансультацыі з Беларуссю згодна з Артыкулам IV, адпаведная інфармацыя размешчана на сайце фонду, паведамляе БЕЛТА.

"Эканоміка Беларусі аднаўляецца пасля двух гадоў рэцэсіі ў выніку больш эфектыўных мер эканамічнай палітыкі, больш спрыяльных знешніх умоў і больш актыўнага ўнутранага попыту. У трэцім квартале 2017 года эканоміка вырасла на 1,7 працэнта адносна аналагічнага перыяду папярэдняга года па прычыне росту спажывання дамашніх гаспадарак у выніку высокага росту зарплаты і павелічэння інвестыцый", - гаворыцца ў паведамленні МВФ.

Дэфіцыт рахунку бягучых аперацый скараціўся, што адлюстроўвае рост экспарту паслуг, а таксама рэцэсію і карэкціроўку рэальнага абменнага курса ў 2015-2016 гадах. Заключаныя ў 2017 годзе пагадненні з Расіяй у галінах энергетыкі і фінансавання, а таксама паспяховае размяшчэнне еўрааблігацый у сярэдзіне года аслабілі націск на баку фінансавання на бліжэйшы час. Агульны ўзровень інфляцыі ў кастрычніку знізіўся да 5,3 працэнта адносна аналагічнага перыяду папярэдняга года, чаму садзейнічалі больш строгі кантроль за грашовымі агрэгатамі, імпартаваная дэзынфляцыя, адмоўны разрыў паміж патэнцыяльным і фактычным аб'ёмамі вытворчасці і запаволенне росту рэгулюемых цэн.

Выканаўчыя дырэктары МВФ віталі паляпшэнне макраэканамічнай і фінансавай палітыкі за апошнія 2,5 года. Дырэктары прызналі, што гэта палітыка змагла аказаць падтрымку аднаўленню эканомікі нараўне з паляпшэннем знешніх умоў. Аднак яны падкрэслілі, што неабходны далейшыя намаганні, у тым ліку па ўстараненні структурных недахопаў. У сувязі з гэтым важна прадаўжэнне актыўнага ўзаемадзеяння паміж МВФ і афіцыйнымі органамі Беларусі.

Дырэктары заклікалі афіцыйныя органы выкарыстаць момант аднаўлення эканомікі для правядзення паглыбленых і паскораных рэформ у рэальным сектары для павышэння прадукцыйнасці, тэмпаў росту і ўстойлівасці эканомікі да ўзрушэнняў. Яны адзначылі выключную важнасць рэформы сектара дзяржпрадпрыемстваў для дасягнення гэтых мэт. Дырэктары таксама падкрэслілі неабходнасць рэалізацыі мер па ўдасканаленні рынку працы і таварнага рынку і адзначылі, што павышэнне зарплаты павінна адпавядаць росту прадукцыйнасці.

Рэкамендавана прадоўжыць правядзенне бюджэтнай кансалідацыі ў сярэднетэрміновай перспектыве ў мэтах забеспячэння ўстойлівасці дзярждоўгу. Дырэктары заклікалі афіцыйныя органы ў 2018 годзе праводзіць больш жорсткі курс падаткова-бюджэтнай палітыкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс