У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

2 Кст 2018

Мясніковіч заклікае заканадаўцаў удзяліць асаблівую ўвагу інавацыйнай і фінансавай бяспецы Беларусі

Мясніковіч заклікае заканадаўцаў удзяліць асаблівую ўвагу інавацыйнай і фінансавай бяспецы Беларусі

2 кастрычніка, Мінск /Кар. БЕЛТА/. Парламентарыі і эксперты, працуючы з законапраектамі, абавязаны асаблівую ўвагу ўдзяляць інавацыйнай і фінансавай бяспецы краіны. Аб гэтым сёння на адкрыцці асенняй сесіі Савета Рэспублікі заявіў яго старшыня Міхаіл Мясніковіч, перадае карэспандэнт БЕЛТА.

Спікер перакананы, што імпарт, асабліва па звязаных крэдытах, неабходна кантраляваць на адпаведнасць закупляемых тэхналогій сусветнаму ўзроўню і забеспячэнне гарантаваных правоў на змешчаныя ў іх аб'екты інтэлектуальнай уласнасці.

"У сувязі з гэтым павінна ўзрасці роля навуковай экспертызы законапраектаў і ратыфікуемых дагавораў і пагадненняў, у тым ліку аб фінансавых пазыках. Навукова-інавацыйныя, гандлёвыя, фінансавыя і іншыя рызыкі павінны быць сур'ёзна падлічаны, як і дакладнасць наяўнасці належнага кадравага забеспячэння новых вытворчасцей", - упэўнены Міхаіл Мясніковіч. У якасці прыкладу ён прывёў ЗША, іх патрабавальнасць у адносінах да краін, што перанялі амерыканскія тэхналогіі. Менавіта гэта шмат у чым выклікала гандлёвыя войны, нагадаў ён.

Што датычыцца задач у заканадаўчай сферы, спікер адзначыў, што трэба будзе аператыўна распрацаваць і прыняць шэраг законапраектаў у сферы электраэнергетыкі, гандлю, карпаратыўных адносін. "Прыярытэтнай павінна заставацца работа Савета Рэспублікі па заканадаўчым забеспячэнні эфектыўнай інвестыцыйнай дзейнасці. Наша задача - стварыць камфортнае прававое асяроддзе для больш актыўнага прыцягнення інвестыцый у эканоміку краіны як галоўнага інструмента развіцця. Неабходна ўмацоўваць давер інвестараў: сваіх і замежных", - падкрэсліў старшыня Савета Рэспублікі.

Парадак дня асенняй сесіі будзе вельмі насычаны. Сенатарам давядзецца разгледзець больш за 30 законапраектаў, у іх ліку новая рэдакцыя Падатковага кодэкса.

Важнейшым законапраектам, які плануецца да прыняцця на гэтай сесіі, Міхаіл Мясніковіч назваў праект закона "Аб унясенні змяненняў і дапаўненняў у некаторыя законы Рэспублікі Беларусь па пытаннях пітнога водазабеспячэння". Спікер звярнуў увагу, што ў час асабістых прыёмаў і сустрэч з грамадзянамі, праводзімых членамі Савета Рэспублікі, даводзіцца чуць скаргі на нездавальняючую якасць пітной вады ў шэрагу населеных пунктаў. "Пытанне не надуманае і ім трэба займацца прадметна. Сродкі, вядома, патрэбны, але яны не такія вялікія. Усё можна вырашыць паэтапна", - лічыць спікер.

Ён нагадаў, што Прэзідыум Савета Рэспублікі ў канцы жніўня зацвердзіў канкрэтны план дзеянняў па рэалізацыі даручэнняў кіраўніка дзяржавы, дадзеных ім у 2018 годзе ў час важнейшых сацыяльна-палітычных і эканамічных мерапрыемстваў. Гэты план павінен стаць "дарожнай картай" для кожнага сенатара з улікам мэтавай устаноўкі Прэзідэнта краіны - павышэнне эфектыўнасці сістэмы дзяржаўнага кіравання на аснове ўзгодненасці дзеянняў, адзінства і паслядоўнасці мэт", - рэзюмаваў старшыня Савета Рэспублікі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс