5 снежня, Мінск /Святлана Саўко - БЕЛТА/. Ва ўмовах росту імпарту з Расіі тавараў трэціх краін Беларусь будзе абараняць сваіх вытворцаў. Аб гэтым заявіў сёння журналістам прэм'ер-міністр Міхаіл Мясніковіч, перадае карэспандэнт БЕЛТА.
Паводле даных прэм'ер-міністра, толькі за апошні тыдзень у Беларусь з Расіі без адпаведных дакументаў паступіла амаль 700 т прадукцыі. "Гэта рыба, камбікармы, малочныя і мясныя прадукты, якія ідуць не тое што з нейкімі сумніўнымі дакументамі, яны наогул дакументаў не маюць. Але ў гэтым плане нам не ўсё роўна, што паступае на ўнутраны рынак. Галоўная задача ўрада - забяспечыць абарону інтарэсаў уласнага насельніцтва ад няякасных тавараў і нацыянальных вытворцаў ад нядобрасумленных канкурэнтаў. Чым мы і займаемся даволі актыўна", - сказаў Міхаіл Мясніковіч.
У цэлым за апошні час з тэрыторыі Расіі і Казахстана значна павялічыўся прыток тавараў з трэціх краін - у 1,3 раза, ці амаль $1,5 млрд, канстатаваў прэм'ер-міністр. "Гэта сведчыць аб тым, што ёсць пытанні на знешнім контуры Еўразійскага эканамічнага саюза. Мы пастаянна на гэта звяртаем увагу", - адзначыў кіраўнік беларускага ўрада.
Прэм'ер-міністр падкрэсліў, што Беларусь строга адсочвае, каб тавары, што выпушчаны ў свабоднае абарачэнне на яе тэрыторыі і пры гэтым уваходзяць у санкцыйны спіс Расіі, да расіян не траплялі. За апошні тыдзень беларускі бок прадухіліў вываз у Расію больш за 200 т такіх тавараў - яблыкаў, рыбнай і малочнай прадукцыі. "Гэта яшчэ раз сведчыць аб тым, што мы сумленна працуем", - рэзюмаваў Міхаіл Мясніковіч.
Пн | Аўт | Сер | Чцв | Пт | Сб | Нядз |
---|