30 мая, Мінск /Таццяна Грыгаровіч - БЕЛТА/. Садружнасць Незалежных Дзяржаў з'яўляецца на сённяшні дзень адным з найбольш маштабных інтэграцыйных утварэнняў, значнай платформай інтэграцыйнага ўзаемадзеяння на постсавецкай прасторы. Аб гэтым заявіў прэм'ер-міністр Беларусі Міхаіл Мясніковіч, выступаючы на пасяджэнні Савета кіраўнікоў урадаў СНД, якое праходзіць сёння ў Мінску, перадае карэспандэнт БЕЛТА.
У сувязі з гэтым прэм'ер падкрэсліў, што дзяржавы - члены Садружнасці павінны максімальна выкарыстоўваць магчымасці гэтага фарміравання.
Унікальнасць СНД, паводле слоў Міхаіла Мясніковіча, заключаецца ў яго асноўным трэндзе, які прадугледжвае і суверэнітэт (наколькі гэта неабходна), і інтэграцыю (наколькі гэта магчыма). "Краіны Садружнасці - гэта блізкія стратэгічныя партнёры, зыходзячы з чаго і выбудоўваюцца ўсе нашы адносіны", - адзначыў кіраўнік беларускага ўрада.
Ён таксама адзначыў важнасць правядзення самітаў, падобных да таго, што праходзіць сёння ў Мінску. "Такія сустрэчы дазваляюць нам не толькі прымаць рашэнні па пытаннях, якія ўключаюцца ў парадак дня, але і даюць магчымасць правядзення як двухбаковых, так і шматбаковых перагавораў, прымаць рашэнні па многіх пытаннях", - сказаў прэм'ер-міністр.
Што датычыцца парадку дня, то Міхаіл Мясніковіч адзначыў, што ён даволі разнапланавы. Сёння разглядаецца 20 пытанняў, плануецца падпісанне шасці міжнародных дагавораў.
Пн | Аўт | Сер | Чцв | Пт | Сб | Нядз |
---|