У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

11 Кст 2017

Мясніковіч: Беларусь зацікаўлена ў развіцці інвестыцыйнага супрацоўніцтва з Азербайджанам

Мясніковіч: Беларусь зацікаўлена ў развіцці інвестыцыйнага супрацоўніцтва з Азербайджанам

11 кастрычніка, Мінск /Святлана Саўко - БЕЛТА/. Беларусь зацікаўлена ў развіцці інвестыцыйнага супрацоўніцтва з Азербайджанам. Аб гэтым сёння заявіў старшыня Савета Рэспублікі Міхаіл Мясніковіч на сустрэчы са старшынёй Мілі Меджліса Актаем Асадавым, перадае карэспандэнт БЕЛТА.

Цяпер у Беларусі працуюць 58 кампаній-рэзідэнтаў з азербайджанскім капіталам. Беларусь у сваю чаргу мае ў Азербайджане каля 70 прадстаўніцтваў розных форм уласнасці. "Азербайджанскія інвестыцыі прысутнічаюць на тэрыторыі Беларусі, але, лічу, яны маглі б быць большымі, - сказаў спікер. - Мы маглі б значна актывізавацца". Міхаіл Мясніковіч адзначыў, што патэнцыял дзвюх дзяржаў намнога вышэйшы, і прапанаваў парламентам папрацаваць над тым, каб у большай ступені яго задзейнічаць. Закранаючы перспектывы прамысловай кааперацыі, старшыня Савета Рэспублікі звярнуў увагу, што для яе развіцця паміж дзвюма краінамі ствараюцца камфортныя ўмовы.

У якасці прыкладу ён прывёў Гянджынскі аўтамабільны завод. За 10 гадоў экспарт беларускіх камплектуючых для вытворчасці трактароў, аўтамабіляў і камунальнай тэхнікі склаў каля $400 млн. На заводзе выпушчана ўжо каля 10 тыс. трактароў маркі BELARUS і 3,8 тыс. грузавых аўтамабіляў. Міхаіл Мясніковіч пазітыўна ацаніў той факт, што да вытворчасці камунальнай тэхнікі прыцягнуты таксама нямецкія кампаніі.

Спікер прапанаваў Актаю Асадаву абмеркаваць перспектывы сумеснага выхаду вытворцаў Беларусі і Азербайджана на рынкі трэціх краін - Ірана, Турцыі і гэтак далей.

Бакі абмеркавалі таксама развіццё кантактаў паміж парламентамі і рэгіёнамі дзвюх краін, навукова-тэхнічнага ўзаемадзеяння.

Характарызуючы супрацоўніцтва Беларусі і Азербайджана ў цэлым, Міхаіл Мясніковіч адзначыў, што яно мае стратэгічны характар, у тым ліку дзякуючы даверным адносінам кіраўнікоў дзвюх дзяржаў. Краіны вядуць актыўны і адкрыты палітычны дыялог.

Старшыня Мілі Меджліса таксама даў пазітыўную ацэнку двухбаковым адносінам. "Паміж Азербайджанам і Беларуссю няма ніякіх перашкод - ні ў палітычных, ні ў эканамічных пытаннях. Мы заўсёды адзін аднаго падтрымліваем", - падкрэсліў Актай Асадаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс