Прамовы і інтэрв’ю
Мацвіенка: Расія лічыць Беларусь важнейшым стратэгічным партнёрам
5 чэрвеня, Мінск /Аліна Грышкевіч - БЕЛТА/. Расія лічыць Беларусь важнейшым стратэгічным партнёрам, заявіла старшыня Савета Федэрацыі Федэральнага сходу Расіі Валянціна Мацвіенка сёння на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
У Мінск на Першы форум рэгіёнаў Беларусі і Расіі прыбыла прадстаўнічая дэлегацыя, у якую ўваходзяць больш за 200 прадстаўнікоў з 19 расійскіх рэгіёнаў. "Гэта сведчыць аб вялікай зацікаўленасці з расійскага боку да развіцця міжрэгіянальнага супрацоўніцтва з Беларуссю", - сказала Валянціна Мацвіенка. "Мы прыехалі з вельмі сур'ёзнымі намерамі разгледзець узровень рэгіянальнага супрацоўніцтва: які ён, што перашкаджае рухацца далей і якія меры трэба прыняць для больш рэзультатыўных кантактаў", - падкрэсліла яна.
Валянціна Мацвіенка адзначыла важнасць таго факта, што Беларусь і Расія выйшлі на рэкордны ўзровень тавараабароту амаль $40 млрд. Вялікі складальнік тавараабароту - вынік міжрэгіянальных сувязей, якія пазбаўлены розных бюракратычных перашкод, сказала Валянціна Мацвіенка. Яна падкрэсліла гатоўнасць парламентаў дзвюх краін аказваць неабходнае садзейнічанне, каб максімальна актывізаваць беларуска-расійскія міжрэгіянальныя кантакты.
Спікер Савета Федэрацыі таксама выказала меркаванне, што форум - добры інструмент абмеркавання праблем, выпрацоўкі далейшых сумесных планаў.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
