Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

6 Лют 2015

Макей: Беларусь зацікаўлена ў наладжванні прамога дыялогу паміж ЕС і ЕАЭС

Макей: Беларусь зацікаўлена ў наладжванні прамога дыялогу паміж ЕС і ЕАЭС

6 лютага, Мінск /Таццяна Паляжай - БЕЛТА/. Беларускі бок зацікаўлены ў наладжванні прамога дыялогу паміж Еўрапейскім саюзам і Еўразійскім эканамічным саюзам для абмеркавання доўгатэрміновых перспектыў узаемадзеяння. На гэта звярнуў увагу міністр замежных спраў Беларусі Уладзімір Макей у час рабочага візіту ў Федэратыўную Рэспубліку Германія, які праходзіць 5-8 лютага, паведамілі БЕЛТА ў прэс-службе МЗС Беларусі.

У першы дзень візіту адбыліся выступленне кіраўніка знешнепалітычнага ведамства Беларусі ў Германскім таварыстве знешняй палітыкі ў Берліне і сустрэча з прадстаўнікамі дзелавых колаў ФРГ, арганізаваная па лініі Усходняга камітэта германскай эканомікі.

У мерапрыемстве ў Германскім таварыстве знешняй палітыкі прынялі ўдзел супрацоўнікі федэральных органаў дзяржаўнага кіравання, дэпутаты Бундэстага, прадстаўнікі палітычных фондаў і іншых структур экспертнай супольнасці ФРГ, якія ўдзельнічаюць у фарміраванні пазіцыі Берліна на беларускім напрамку. Уладзімір Макей выклаў падыходы беларускага боку па праблематыцы рэгіянальнай бяспекі і актуальных пытаннях міжнароднага парадку дня, адзначыў важную стабілізуючую ролю Беларусі ў рэгіёне, закрануў перспектывы развіцця беларуска-германскіх адносін і дыялогу па лініі Беларусь - ЕС, адказаў на пытанні экспертаў.

У час сустрэчы з прадстаўнікамі германскага бізнесу асноўны акцэнт быў зроблены на прадстаўленні інвестыцыйнага патэнцыялу Беларусі, улічваючы ўдзел краіны ў працэсах еўразійскай інтэграцыі. Была адзначана зацікаўленасць беларускага боку ў наладжванні прамога дыялогу паміж Еўрапейскім саюзам і Еўразійскім эканамічным саюзам для абмеркавання доўгатэрміновых перспектыў узаемадзеяння. Праведзены аналіз стану і перспектыў развіцця гандлёва-эканамічнага супрацоўніцтва паміж Беларуссю і Германіяй. Дадзены адказы на канкрэтныя пытанні прадстаўнікоў буйных германскіх кампаній, якія працуюць у Беларусі або плануюць выхад на беларускі рынак.

У час знаходжання міністра ў Берліне адбыўся таксама шэраг сустрэч, прысвечаных абмеркаванню магчымасцей актывізацыі беларуска-германскага ўзаемадзеяння ў розных галінах.

6-8 лютага Уладзімір Макей прыме ўдзел у рабоце 51-й Мюнхенскай канферэнцыі па пытаннях бяспекі, правядзе шэраг двухбаковых сустрэч з мэтай абмеркавання пытанняў развіцця палітычных і гандлёва-эканамічных адносін Беларусі з Германіяй і шэрагам іншых краін-партнёраў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі