Прамовы і інтэрв’ю

27 снежня, Мінск /Кар. БЕЛТА/. Прэзідэнт Беларусі Аляксандр Лукашэнка патрабуе ад чыноўнікаў такой работы, каб народ не змог паставіць у папрок ні адну з праблем. Аб гэтым ён заявіў 27 снежня, прымаючы кадравыя рашэнні, паведамілі БЕЛТА ў прэс-службе кіраўніка дзяржавы.

Аляксандр Лукашэнка адзначыў, што па традыцыі ў год прэзідэнцкіх выбараў праводзіць новыя назначэнні і ратацыю, перамяшчэнне кадраў на ўсіх узроўнях, асабліва што датычыцца кадравага рэестра Прэзідэнта і ўрада. Ён падкрэсліў, што ніякай надзвычайшчыны ў гэтых назначэннях няма.

"Я хацеў бы, каб да выбараў новы склад урада, вышэйшых органаў улады напружыўся і папрацаваў, каб ні ў каго не было якіх-небудзь там сумненняў - буду, не буду працаваць. Я гатовы і пасля выбараў, калі ўсё нармальна складзецца, працаваць з такім складам урада і службовымі асобамі", - сказаў Прэзідэнт.

Аляксандр Лукашэнка дадаў, што ў яго ёсць яшчэ адзін рэзерв кадраў, які ён гатовы задзейнічаць пасля выбараў, каб дашліфаваць існуючы склад органаў улады, які будзе здаваць экзамены перад народам.

Прэзідэнт нагадаў, што працэс ратацыі кадраў пачаўся не сёння і раней быў назначаны шэраг службовых асоб, у прыватнасці, старшыні Гродзенскага і Мінскага аблвыканкамаў, Мінскага гарвыканкама, КДК, ДМК, дзяржсакратар Савета бяспекі і яго намеснік, кіраўнік спраў Прэзідэнта, міністры ЖКГ, інфармацыі, культуры, абароны, фінансаў.

"Гэты працэс, як я абяцаў, у перадвыбарны год для мяне быў важнейшым", - сказаў кіраўнік дзяржавы.

Аляксандр Лукашэнка адзначыў, што ад займаемых пасад вызвалены ў сувязі з пераходам на іншую работу Міхаіл Мясніковіч, Надзея Ермакова, Пётр Пракаповіч, Анатоль Тозік, Сяргей Маскевіч, Уладзімір Палуян, Уладзімір Цалко, Георгій Кузняцоў, Канстанцін Сумар.

Аргументуючы прынятыя кадравыя рашэнні, Аляксандр Лукашэнка адзначыў, што зрабіў іх, не чакаючы новага года, для таго каб новыя кіраўнікі падумалі над тым, як пачнуць новы год і адразу ж пасля калядных свят без разварушвання пачалі дзейнічаць.

"Экзамен для ўсіх нас - прэзідэнцкія выбары. Усе павінны працаваць так, каб нам народ у папрок не паставіў ніводную з праблем", - падкрэсліў Прэзідэнт.