У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

3 Май 2014

Лукашэнка: У Беларусі з'явіўся народны аўтамабіль уласнай зборкі

Лукашэнка: У Беларусі з'явіўся народны аўтамабіль уласнай зборкі

5 мая, Барысаў /Кар. БЕЛТА/. У Беларусі нарэшце з'явіўся народны аўтамабіль уласнай зборкі. Аб гэтым заявіў Прэзідэнт Беларусі Аляксандр Лукашэнка, размаўляючы з працоўным калектывам СЗАТ "Белджы", перадае карэспандэнт БЕЛТА.

Наведаўшы сумеснае беларуска-кітайскае прадпрыемства па выпуску легкавых аўтамабіляў Geely, Аляксандр Лукашэнка падкрэсліў, што менавіта тут зараджаецца беларуская аўтапрамысловая вытворчасць легкавых аўтамабіляў. У Беларусі ўжо даўно наладжана вытворчасць грузавых аўтамабіляў, сельгастэхнікі, грамадскага транспарту. І вось нарэшце ў нашай краіне пачалі выпускаць легкавы аўтамабіль. "Мы ўсё навучыліся вырабляць: аўтобусы, тралейбусы, трамваі, а легкавога аўтамабіля - няма", - адзначыў Прэзідэнт, гаворачы аб пачатку праекта па арганізацыі вытворчасці легкавых аўтамабіляў.

Лукашэнка: У Беларусі з'явіўся народны аўтамабіль уласнай зборкіЦяпер сумеснае прадпрыемства "Белджы" паспяхова развіваецца. На базе Барысаўскага завода "Аўтагідраўзмацняльнік" арганізавана буйнавузлавая зборка легкавых аўтамабіляў магутнасцю 10 тыс. машын у год. У 2013 годзе тут было сабрана амаль 2,5 тыс. аўтамабіляў. У першым квартале бягучага года ўжо выраблена і адгружана больш як 1,6 тыс. аўтамабіляў. Рэнтабельнасць продажаў у студзені - сакавіку склала 8,9 працэнта, атрыманы чысты прыбытак у суме Br16,5 млрд. Рэнтабельнасць вытворчасці дасягнула 10 працэнтаў, а сярэдняя зарплата на прадпрыемстве складае Br7 млн.

"Наступны крок - гэта будаўніцтва пад Барысавам (паміж Жодзіна і Барысавам) магутнага завода", - сказаў Прэзідэнт, ацэньваючы перспектывы развіцця вытворчасці легкавых аўтамабіляў у Беларусі. Плануецца, што будаўніцтва новага завода па выпуску легкавых аўтамабіляў будзе праходзіць у два этапы, а агульны аб'ём інвестыцый складзе амаль паўмільярда долараў. На першым этапе плануецца будаўніцтва асобнага завода вытворчай магутнасцю 60 тыс. адзінак у год са стварэннем вытворчасці зваркі, фарбавання і зборкі кузаваў да 1 студзеня 2017 года. Да гэтага часу плануецца давесці ўзровень лакалізацыі да 30 працэнтаў. А да ліпеня 2018 года павялічыць гэты ўзровень да 50 працэнтаў. Аляксандр Лукашэнка падкрэсліў, што развіццё айчыннага аўтамабілебудавання дасць штуршок развіццю многіх іншых сектараў прамысловасці.

Пад канец сваёй сустрэчы з працоўным калектывам прадпрыемства Прэзідэнт пажадаў: "Дай бог, каб мы ціха, спакойна жылі сваім нармальным жыццём і каб мы ніколі не выходзілі на вуліцы і плошчы з дубінамі, кактэйлямі Молатава. Ужо сёння і са ружжамі, і з кулямётамі выходзяць, самалёты збіваюць, самі ў сваіх страляюць". Ён падкрэсліў, што да гэтага нельга дайсці. "Вось гэта самае галоўнае. І не таму што, ведаеце, палохаюць: вось, Лукашэнка на гэтым ледзь не перадвыбарную кампанію праводзіць. Да выбараў яшчэ амаль два гады, мяне папракаюць ужо. Не, я проста хачу, каб мы спакойна працавалі. Няхай мы будзем 500-600 долараў атрымліваць, але мы будзем стабільна працаваць у цэхах", - сказаў кіраўнік дзяржавы.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску