Прамовы і інтэрв’ю
Лукашэнка патрабуе пастаяннага ўдасканалення ў сістэме адукацыі
24 жніўня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка патрабуе пастаяннага ўдасканалення ў сістэме адукацыі. На гэта кіраўнік дзяржавы звярнуў увагу сёння, знаёмячыся з выстаўкай новых падручнікаў і вучэбных праграм, выдадзеных да 2017-2018 навучальнага года, перадае карэспандэнт БЕЛТА.
У прыватнасці, на стэндзе прадстаўлены вучэбныя праграмы для 1-3-х класаў, вучэбныя праграмы па беларускай і рускай мовах і літаратуры, замежных мовах, сусветнай гісторыі, гісторыі Беларусі, матэматыцы, інфарматыцы, чарчэнні, працоўным навучанні, грамадазнаўстве, фізіцы, хіміі, біялогіі і іншых прадметах. Акрамя таго, Аляксандру Лукашэнку прадставілі стэнды з новымі вучэбнымі дапаможнікамі. Як лічыць Прэзідэнт, "трэба рабіць усё дастойна". "І гэта павінна ўдасканальвацца практычна кожны год", - лічыць кіраўнік дзяржавы.
Для ўдзельнікаў Рэспубліканскага педагагічнага савета, пленарнае пасяджэнне якога праходзіць цяпер у Мінску, прадстаўлена таксама выстаўка "Адукацыя: у імя будучыні краіны", а таксама праграмна-апаратны комплекс "Разумны аўтобус".
версія для друку
зрабіць стартавай
дабавіць у выбранае