VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

25 Кст 2018

Лукашэнка патрабуе дакладнага выканання калегіяльнасці ў прыняцці рашэнняў урадам

Лукашэнка патрабуе дакладнага выканання калегіяльнасці ў прыняцці рашэнняў урадам

25 кастрычніка, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка патрабуе дакладнага выканання калегіяльнасці ў прыняцці рашэнняў урадам. Аб гэтым кіраўнік дзяржавы заявіў сёння ў час даклада першага намесніка прэм'ер-міністра Аляксандра Турчына, перадае карэспандэнт БЕЛТА.

"Калі мы абнаўлялі склад урада, мы дамаўляліся, што ў бліжэйшы час вы разберацеся з функцыянальнымі абавязкамі апарату ўрада і структурай, - адзначыў Прэзідэнт. - Я прасіў вас заняцца гэтым пытаннем - вы кіравалі апаратам урада. Каму, як не вам, цяпер, улічваючы магчымыя недапрацоўкі, недахопы ў арганізацыі работы ўрада ў мінулым, выправіць сітуацыю. Хацелася б пачуць ад вас бачанне некаторых пытанняў".

Прэзідэнт нагадаў, што ўрад з'яўляецца калегіяльным органам, рашэнні там прымаюцца калектыўна, і гэта павінна свята выконвацца. "Гэтаму я ўдзяляю вялікую ўвагу - стылю работы ўрада", - падкрэсліў ён.

Аляксандр Лукашэнка адзначыў, што яму паступаюць некаторыя сігналы, што ўрад бачыць сваю работу так: ён будзе займацца стратэгіяй, а не штодзённымі справамі. "Урад будзе займацца не толькі выпрацоўкай стратэгіі. Гэта, дарэчы, не ваша прэрагатыва, стратэгія ў нас выпрацавана, яна вызначаецца Прэзідэнтам, уносіцца на галасаванне на прэзідэнцкіх выбарах і зацвярджаецца Усебеларускім народным сходам, - адзначыў кіраўнік дзяржавы. - Магчымы недзе карэкціроўкі, ураду ніхто не забараняе ўносіць змяненні па карэкціроўцы. Але рашэнне прымае Прэзідэнт".

Урад у Беларусі заўсёды займаўся рэальным сектарам эканомікі, звярнуў увагу кіраўнік дзяржавы. "Таму давядзецца рабіць усё - і сеяць, і ўбіраць, і ля станка стаяць, і тэхналогіямі займацца. Урад, які будзе сядзець у кабінетах і выпрацоўваць нейкую стратэгію, не разумеючы, што адбываецца на самай справе, у Беларусі не патрэбны", - заявіў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход