11 лістапада, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка заявіў, што ніколі не гуляў у тайны з народам як пры вырашэнні эканамічных праблем, так і пры прыняцці кадравых рашэнняў. Аб гэтым ён заявіў сёння ў час справаздачы ўрада, Нацыянальнага банка аб рабоце эканомікі за 2014 год і прагнозе на 2015 год, перадае карэспандэнт БЕЛТА.
"Ведаю, што напярэдадні гэтай нарады і ў сродках масавай інфармацыі, і ў нашым грамадстве, зразумела, кімсьці спецыяльна ўзнімаюцца асобныя пытанні, каб пачуць з маіх вуснаў адказы на іх. Некаторыя пытанні аб'ектыўна існуюць, тайн ніякіх няма. Я іх ніколі не рабіў, і мне няма неабходнасці гуляць у нейкія тайны з народам: ад вырашэння эканамічных праблем да кадравых", - сказаў кіраўнік дзяржавы.
Аляксандр Лукашэнка адзначыў, што кадравае пытанне хвалюе ўсіх. "Я заўсёды загадзя ўсіх папярэджваў: усё будзе залежаць ад таго, як той ці іншы член урада, губернатар, памочнік напружваюцца, працуюць і якія вынікі даюць, - сказаў Прэзідэнт. - Будуць вынікі - будзе работа. Не будзе вынікаў - вы таксама ведаеце, што магчыма".
"Некаторыя ў нас міністры дапрацаваліся да таго, што іх дзеці пастаянна жывуць у Злучаных Штатах Амерыкі і навучаюцца там, а яны рэфармуюць нашу сістэму адукацыі. Зразумела, што будзе ад гэтых рэформ", - адзначыў кіраўнік дзяржавы.
Аляксандр Лукашэнка таксама дадаў, што ён наўскідку сказаў аб праблемах, якія існуюць сёння па кадравых пытаннях.-0-
Пн | Аўт | Сер | Чцв | Пт | Сб | Нядз |
---|