У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

6 Чэр 2016

Лукашэнка: Беларусь зацікаўлена ў падтрыманні нарастаючай дынамікі супрацоўніцтва з ЕС

Лукашэнка: Беларусь зацікаўлена ў падтрыманні нарастаючай дынамікі супрацоўніцтва з ЕС

6 чэрвеня, Мінск /Уладзімір Мацвееў - БЕЛТА/. Беларусь зацікаўлена ў падтрыманні нарастаючай дынамікі супрацоўніцтва з Еўрасаюзам. Аб гэтым Прэзідэнт Беларусі Аляксандр Лукашэнка заявіў сёння, прымаючы даверчыя граматы паслоў замежных краін, перадае карэспандэнт БЕЛТА.

"Гэты год прынёс пазітыўныя зрухі ў нармалізацыі нашых адносін з Еўрасаюзам. Безумоўна, мы зацікаўлены ў максімальным паглыбленні ўзаемасувязей з ЕС, падтрыманні нарастаючай дынамікі нашага супрацоўніцтва", - заявіў беларускі лідар.

Адной з важнейшых задач беларускай дзяржавы было і застаецца наладжванне добрасуседскіх адносін з Польшчай, сказаў Аляксандр Лукашэнка, прымаючы даверчыя граматы пасла гэтай краіны ў Беларусі Конрада Паўліка. "У нас не толькі агульная граніца, развітая гандлёва-эканамічная, рэгіянальная кааперацыя, але і агульная адказнасць за бяспеку ў рэгіёне", - падкрэсліў кіраўнік дзяржавы.

Вельмі перспектыўным для Беларусі партнёрам у ЕС з'яўляецца і Славакія. "Мы цэнім уклад вашай краіны ў стварэнне новай атмасферы для нармалізацыі адносін па лініі Беларусь - ЕС. Разлічваем, што Славакія ў час свайго старшынства ў Савеце ЕС у другім паўгоддзі 2016 года акажа садзейнічанне далейшаму развіццю нашых сувязей з Еўрасаюзам. Спадзяёмся на ўмацаванне двухбаковага супрацоўніцтва", - заявіў Прэзідэнт, прымаючы даверчыя граматы пасла Славакіі ў Беларусі Ёзафа Мігаша.

У інтэрв'ю журналістам Конрад Паўлік і Ёзаф Мігаш адзначылі наяўнасць новых магчымасцей для развіцця супрацоўніцтва з Беларуссю ў розных галінах, неабходнасць напаўнення яго канкрэтнымі праектамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс