У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

25 Ліп 2019

Лукашэнка: Алімпіяда ў Токіа будзе строгім экзаменам для беларускага спорту

Лукашэнка: Алімпіяда ў Токіа будзе строгім экзаменам для беларускага спорту

25 ліпеня, Ветка /Кар. БЕЛТА/. XXXII летнія Алімпійскія гульні ў Токіа будуць строгім экзаменам для беларускага спорту. Аб гэтым Прэзідэнт Беларусі Аляксандр Лукашэнка заявіў сёння ў час наведвання блока плавальных басейнаў Веткаўскай дзіцяча-юнацкай спартыўнай школы, перадае карэспандэнт БЕЛТА.

Веткаўскі раён - адзін з пацярпелых рэгіёнаў ад катастрофы на Чарнобыльскай АЭС, таму аздараўленню насельніцтва тут удзяляецца асаблівая ўвага. "Каб прыцягнуць насельніцтва да фізічнай культуры і спорту, вядома, неабходны ўмовы. Усяго ў раёнах, якія пацярпелі ад аварыі, дзейнічаюць 574 спартыўныя аб'екты", - расказаў кіраўніку дзяржавы першы намеснік міністра спорту і турызму Вячаслаў Дурноў. У мінулым годзе ў Ветцы ўвялі ў эксплуатацыю блок плавальных басейнаў.

Прэзідэнт адзначыў, што спартыўныя аб'екты ў гарадах, у тым ліку і ў Ветцы, павінны выкарыстоўвацца не толькі для заняткаў фізкультурай, але і для адбору і падрыхтоўкі спартсменаў. "Мы ж ствараем, грошы трацім вялікія. Мы хоць па адным зернетку адсюль нешта маем? - спытаў ён. - Няхай вас не супакойваюць Еўрапейскія гульні. Токіа на носе. Гэта для вас усіх будзе самы строгі экзамен".

Аляксандр Лукашэнка азнаёміўся з добраўпарадкаваннем басейнаў і дапаможных памяшканняў, наведаў трэніроўку выхаванцаў спартыўнай школы.

Блок плавальных басейнаў у Ветцы ўвялі ў эксплуатацыю ў маі 2018 года. Ён знаходзіцца на балансе мясцовай дзіцяча-юнацкай спартыўнай школы. Спартыўны аб'ект уяўляе сабой двухпавярховы будынак з дзвюма заламі басейнаў. На базе спартыўнай школы адкрыта 11 вучэбных груп пачатковай падрыхтоўкі з агульнай колькасцю навучэнцаў больш як 120 чалавек.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску