У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

15 Врс 2016

Лукашэнка: Ад глыбіні інтэграцыі ў сферы мытнай справы залежыць далейшае развіццё эканомік дзяржаў СНД

Лукашэнка: Ад глыбіні інтэграцыі ў сферы мытнай справы залежыць далейшае развіццё эканомік дзяржаў СНД

15 верасня, Мінск /Аліна Грышкевіч - БЕЛТА/. Ад глыбіні інтэграцыі ў сферы мытнай справы залежыць далейшае развіццё эканомік дзяржаў СНД і ў канчатковым выніку павышэнне дабрабыту народаў. Аб гэтым заявіў Прэзідэнт Беларусі Аляксандр Лукашэнка сёння на сустрэчы з удзельнікамі 64-га пасяджэння Савета кіраўнікоў мытных службаў дзяржаў - удзельніц СНД, перадае карэспандэнт БЕЛТА.

Кіраўнік дзяржавы нагадаў, што больш як чвэрць стагоддзя таму Беларусь стаяла ля вытокаў фарміравання Садружнасці Незалежных Дзяржаў, адной з першых інтэграцыйных структур на постсавецкай прасторы. У ліку яе важных задач было стварэнне спрыяльных умоў для развіцця гандлёва-эканамічных сувязей і перамяшчэння грамадзян паміж краінамі Садружнасці.

"Вялікая ўвага надавалася дзейнасці мытных службаў новых суверэнных дзяржаў. За гэты час сфарміравана значная нарматыўная база мытнай справы, у чым асноўная роля належыць Савету кіраўнікоў мытных службаў, а таксама адпаведным нацыянальным органам, - звярнуў увагу Аляксандр Лукашэнка. - Дастаткова назваць пагадненні аб стварэнні зоны свабоднага гандлю, аб супрацоўніцтве і ўзаемадапамозе ў мытных справах, мадэльны мытны кодэкс і шэраг іншых дакументаў. Яны будуюцца на базавых прынцыпах Сусветнай гандлёвай арганізацыі, якія ўключаюць у тым ліку і свабоду транзіту на тэрыторыі дзяржаў".

У рамках Савета кіраўнікоў мытных службаў сфарміраваны Камітэт кіраўнікоў праваахоўных падраздзяленняў. Прэзідэнт лічыць гэту ініцыятыву цалкам своечасовай, паколькі менавіта мытная служба павінна ў першую чаргу абараняць тэрыторыю краіны ад кантрабандных тавараў, увозу наркотыкаў, а гэта зло адчуваецца ў большай ступені з кожным годам.

Кіраўнік дзяржавы выказаў меркаванне, што гістарычна кожная з краін Садружнасці мае экспартны і імпартны складнік у знешнім гандлі, пэўныя рынкі. "Мытныя службы павінны аператыўна і якасна апрацоўваць таварныя патокі, садзейнічаць павелічэнню колькасці краін-партнёраў, нарошчванню аб'ёмаў гандлю", - падкрэсліў Аляксандр Лукашэнка.

Прэзідэнт таксама адзначыў: "Тэрытарыяльнае становішча Беларусі такое, што ў рамках Садружнасці значная частка нашай граніцы праходзіць з краінамі Еўрапейскага саюза. Сумесна з імі мы рэалізуем шэраг праграм па развіцці інфраструктуры на граніцы, забеспячэнні бяспекі, бесперашкодным перамяшчэнні тавараў. Скажу шчыра: хацелася б большага ўдзелу ЕС у мытных справах. Таму што як Расіі, так і Еўрасаюзу вельмі важна Беларусь, дзе тавары праходзілі б, перш за ўсё, транзітам, і па часе гэта было б мінімальна".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс