У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

15 Врс 2014

Купчына: Беларусь надае вялікае значэнне ўзаемадзеянню з АБСЕ

Купчына: Беларусь надае вялікае значэнне ўзаемадзеянню з АБСЕ

15 верасня, Мінск /Кар. БЕЛТА/. Беларусь надае вялікае значэнне ўзаемадзеянню з АБСЕ, заявіла сёння намеснік міністра замежных спраў Беларусі Алена Купчына на семінары, арганізаваным офісам прадстаўніка АБСЕ па пытаннях свабоды СМІ, перадае карэспандэнт БЕЛТА.

"Беларусь надае вялікае значэнне дыялогу з АБСЕ, свайму ўдзелу ў дзейнасці ў гэтай важнай рэгіянальнай арганізацыі, а таксама ўзаемадзеянню з яе інстытутамі", - сказала намеснік міністра. Паводле яе слоў, у АБСЕ накоплены велізарны экспертны вопыт, які можна, у прыватнасці, выкарыстоўваць для ўдасканалення нацыянальнага заканадаўства.

"Хацела б пацвердзіць гатоўнасць беларускага боку да прадаўжэння адкрытага, зацікаўленага, канструктыўнага дыялогу з прадстаўніком АБСЕ па свабодзе СМІ", - падкрэсліла Алена Купчына.

У сваю чаргу прадстаўнік АБСЕ па пытаннях свабоды СМІ Дунья Міятавіч адзначыла, што сёлетні семінар з удзелам супрацоўнікаў масмедыя і праваахоўных органаў - гэта вынік канструктыўнага падыходу да пытанняў свабоды СМІ. Дунья Міятавіч выказала надзею, што семінар павысіць узровень ведаў журналістаў. Пры гэтым прадстаўнік АБСЕ падкрэсліла, што журналісты павінны выконваць прынцып неўмяшання ў падзеі, якія яны асвятляюць.

Сённяшні семінар - далёка не першы прыклад паспяховага ўзаемадзеяння беларускага боку і прадстаўніка АБСЕ па пытаннях свабоды СМІ. Гэта своеасаблівы працяг семінара-трэнінгу па пытаннях развіцця анлайн-журналістыкі, які праходзіў у 2013 годзе.

Семінар прысвечаны ўзаемадзеянню СМІ і праваахоўнікаў і праводзіцца АБСЕ пры падтрымцы МЗС Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс