5 верасня, Мінск /Васіль Малашэнкаў - БЕЛТА/. Леанід Кучма падзякаваў Прэзідэнту Беларусі Аляксандру Лукашэнку за стварэнне спрыяльных умоў для вядзення перагавораў. Аб гэтым экс-прэзідэнт Украіны паведаміў журналістам, перадае карэспандэнт БЕЛТА.
"Былі створаны нармальныя ўмовы для работы. Думаю, што тая абстаноўка, якая была тут сёння ў час нашай сустрэчы, дала магчымасць гаварыць сапраўды на адной мове. У нас ва ўсіх было жаданне, каб у гэтым рэгіёне настаў мір. Думаю, што мы гэтага абавязкова дасягнем. Яшчэ раз хачу перад усімі Аляксандру Рыгоравічу падзякаваць за тое, што ў Мінску адбылася такая знакавая падзея. Зроблены вельмі сур'ёзны першы крок. Наперадзе вельмі вялікая работа і ўрадаў нашых, і парламентаў, і ваенных", - сказаў Леанід Кучма.
Ён таксама заявіў, што няма сумненняў наконт абмену затрыманымі (палоннымі). "Многія ўздыхнулі, таму што ёсць узаемнае жаданне гэта выканаць", - адзначыў былы ўкраінскі прэзідэнт.
Леанід Кучма дадаў, што калі была каманда спыніць агонь з абодвух бакоў, то "гэта не значыць, што з-за вугла хтосьці не будзе нейкія рэчы рабіць". Аднак трэба імкнуцца да перамір'я. Самае галоўнае, на яго думку, павінна быць палітычная воля.
Пн | Аўт | Сер | Чцв | Пт | Сб | Нядз |
---|