Прамовы і інтэрв’ю

Калядны турнір аматараў хакея з кожным годам становіцца ўсё больш маштабным - Фазель

4 студзеня, Мінск /Кар. БЕЛТА/. Калядны міжнародны турнір аматараў хакея на прыз Прэзідэнта Беларусі з кожным годам становіцца ўсё больш маштабным. Аб гэтым заявіў 4 студзеня журналістам прэзідэнт Міжнароднай федэрацыі хакея (IIHF) Рэнэ Фазель, перадае карэспандэнт БЕЛТА.

"Гэты турнір з кожным годам становіцца ўсё больш значным мерапрыемствам. Гэта сапраўды вельмі радасна бачыць", - сказаў Рэнэ Фазель.

Гаворачы пра падрыхтоўку да правядзення ў 2021 годзе чэмпіянату свету па хакеі, прэзідэнт IIHF адзначыў, што Латвія і Беларусь - дзве дастойныя хакейныя дзяржавы, у якіх арганізацыя заўсёды на вышэйшым узроўні. "Яны ўжо вядуць вельмі вялікую работу, каб выдатна правесці чэмпіянат у 2021 годзе. Думаю, гэта будзе свята для ўсіх", - сказаў ён.

Рэнэ Фазель прыгадаў чэмпіянат свету 2014 года ў Мінску. На яго думку, спаборніцтвы былі арганізаваны на вельмі высокім узроўні, у тым ліку для фанатаў. Ён не сумняваецца, што такая ж арганізацыя будзе і ў 2021 годзе.

версія для друку

зрабіць стартавай

дабавіць у выбранае