Прамовы і інтэрв’ю

6 лістапада, Рыга /Кар. БЕЛТА/. Беларусь з'яўляецца інтэгруючым звяном у гандлі паміж дзяржавамі Еўрапейскага і Еўразійскага саюзаў, дзяржавамі Азіяцка-Ціхаакіянскага рэгіёна, Скандынавіі і Балкан. Аб гэтым заявіў 5 лістапада прэм'ер-міністр Беларусі Андрэй Кабякоў на пятым саміце кіраўнікоў урадаў краін Цэнтральнай і Усходняй Еўропы і Кітая ("16+1"), перадае карэспандэнт БЕЛТА.

"Зразумела, што не толькі Беларусь прадастаўляе прамы доступ да 180-мільённага рынку Еўразійскага эканамічнага саюза. Аднак самае кароткае "лагістычнае плячо" з Еўрасаюзам праходзіць праз Мінск, - адзначыў прэм'ер-міністр. - А бо калі мы гаворым аб ЕАЭС, размова ідзе аб свабодным перамяшчэнні тавараў, паслуг, капіталу і рабочай сілы, адзіным тарыфным рэгуляванні, роўных умовах вядзення бізнесу".

Андрэй Кабякоў таксама падкрэсліў, што ў Беларусі створаны і паспяхова функцыянуюць розныя льготныя рэжымы. Кампаніі могуць знізіць інвестыцыйныя затраты і падатковую нагрузку пры размяшчэнні свайго бізнесу ў рамках шасці свабодных эканамічных зон, Парку высокіх тэхналогій, на тэрыторыі малых і сярэдніх гарадоў Беларусі.

"Гаворачы пра Беларусь, эксперты часта ўжываюць тэрмін "выгаднае геаграфічнае становішча", - дадаў кіраўнік урада. - Калі паглядзець на карту Еўропы, то з невялікай хібнасцю можна адзначыць, што Мінск роўнааддалены ад сталіц суседніх краін на Усходзе і Захадзе. Хаця ў гэтым кантэксце, на мой погляд, больш прыдатным тэрмінам з'яўляецца не роўнааддалены, а роўнанабліжаны".