Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

30 Сак 2018

Кабякоў: гарантаванне бяспекі ў месцах масавага знаходжання людзей застанецца на асаблівым кантролі

Кабякоў: гарантаванне бяспекі ў месцах масавага знаходжання людзей застанецца на асаблівым кантролі

30 сакавіка, Мінск /Кар. БЕЛТА/. Гарантаванне бяспекі ў месцах масавага знаходжання людзей застанецца на асаблівым кантролі, заявіў сёння журналістам прэм'ер-міністр Андрэй Кабякоў у час рабочай паездкі ў Гродзенскую вобласць, перадае карэспандэнт БЕЛТА.

"Што датычыцца стану месцаў, дзе можа быць масавае скопішча людзей, то над гэтым павінна весціся пастаянная работа, перш за ўсё гэта клопат кіраўнікоў, арганізатараў мерапрыемстваў, у якіх удзельнічае вялікая колькасць людзей. Вядома, пытанні элементарнай бяспекі, пажарных выхадаў, сістэм пажаратушэння - гэта ўсё павінна працаваць, кожную хвіліну і кожную секунду быць гатова да выкарыстання ў выпадку неабходнасці. Такія праверкі будуць праводзіцца пастаянна, прычым нечакана", - адзначыў Андрэй Кабякоў.

Рашэннем кіраўніка дзяржавы істотна спрошчаны ўмовы вядзення бізнесу, у тым ліку аптымізаваны праверкі прадпрымальнікаў. "Вядома, гэта будзе пастаўлена ў аснову. Але, падкрэслю, спрашчэнне вядзення бізнесу не павінна прыводзіць да таго, што будзе павышацца небяспека прысутнасці людзей на аб'ектах, дзе ёсць хаця б мінімальная верагоднасць надзвычайных сітуацый", - сказаў ён.

На думку кіраўніка ўрада, для гарантавання бяспекі павінна быць спалучэнне трох кампанентаў - кантроль з боку дзяржавы, адказнасць арганізатараў масавых мерапрыемстваў, веданне самімі людзьмі правіл бяспекі.

"Вядома, пытанні гарантавання бяспекі не могуць абмяжоўвацца разавымі акцыямі, гэта работа павінна быць пастаяннай", - рэзюмаваў ён.

Сёння ў ходзе рабочай паездкі ў Гродзенскую вобласць Андрэй Кабякоў наведаў Цэнтр бяспекі МНС у Лідзе. У Беларусі тры такія цэнтры, акрамя Ліды яны знаходзяцца ў Гомельскай вобласці і Віцебску. Навучанне ў гэтых цэнтрах прайшлі 62 тыс. дзяцей і дарослых. Асноўная іх мэта - навучанне насельніцтва правільным дзеянням пры ўзнікненні розных надзвычайных сітуацый. У цэнтры ёсць магчымасць адпрацаваць практычныя навыкі выратавання людзей, эвакуацыі з задымленага памяшкання і г. д.

Будаўніцтва рэгіянальных адукацыйных цэнтраў бяспекі ў Магілёўскай, Брэсцкай і Мінскай абласцях плануецца завяршыць у 2018 годзе. Аналагічны цэнтр у Мінску можа быць дабудаваны ў 2019 годзе, дадаў Андрэй Кабякоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі