Прамовы і інтэрв’ю
Яўген Ворсін: У Беларусі кожны ўдзельнік ЧС-2014 будзе адчуваць сябе як дома
17 мая, Мінск /Кар. БЕЛТА/. У ходзе кангрэса Міжнароднай федэрацыі хакея (ІІХФ), які праходзіць гэтымі днямі ў Стакгольме, былі заслуханы справаздачы арганізатараў аб падрыхтоўцы будучых чэмпіянатаў свету, паведаміў БЕЛТА менеджар дырэкцыі па правядзенню ЧС-2014 у Мінску Пётр Рабухін.
Даклад аб падрыхтоўцы Беларусі да чэмпіянату свету-2014 удзельнікам кангрэса прадставіў старшыня Федэрацыі хакея Беларусі, кіраўнік дырэкцыі па правядзенню мінскага ЧС-2014 Яўген Ворсін. На 15-мінутнай прэзентацыі ён расказаў аб ключавых момантах ходу падрыхтоўкі Беларусі да маючага адбыцца турніру, комплексе мерапрыемстваў, накіраваных на паспяховае правядзенне планетарнага форуму.
Яўген Ворсін адзначыў, што краіна з нецярпеннем чакае маючы адбыцца турнір: "Беларусь і беларусы гатовы паказаць свету, што з'яўляюцца гасціннай хакейнай дзяржавай, у якой кожны ўдзельнік маючага адбыцца свята будзе адчуваць сябе як дома".
Ён таксама азнаёміў удзельнікаў кангрэса з талісманам чэмпіянату свету 2014 года і паведаміў, што зусім нядаўна ён атрымаў імя. Удзельнікі кангрэса віталі зубраня Волата апладысментамі.
Па справаздачы беларускага боку ва ўдзельнікаў кангрэса не ўзнікла ніякіх пытанняў.
Вынік прэзентацыі падвёў прэзідэнт ІІХФ Рэнэ Фазел, які падкрэсліў, што хакейная сям'я з упэўненасцю глядзіць у 2014 год і рыхтуецца да візіту ў Мінск.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
