У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

5 Врс 2017

"Грунтоўна абмеркавалі ўсе праблемы" - Зюганаў расказаў пра падрабязнасці сустрэчы з Лукашэнкам


5 верасня, Мінск /Міхаіл Маціеўскі - БЕЛТА/. Старшыня фракцыі Камуністычнай партыі Расійскай Федэрацыі ў Дзяржаўнай думе Генадзь Зюганаў расказаў журналістам аб падрабязнасцях сваёй сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"У нас з Аляксандрам Рыгоравічам рэгулярна праходзяць сустрэчы, дзе мы грунтоўна абмяркоўваем усе праблемы", - сказаў Генадзь Зюганаў.

У час сённяшняй сустрэчы разглядаліся, у прыватнасці, пытанні развіцця беларуска-расійскай кааперацыі ў прамысловай сферы. "Трэба максімальна складваць свае намаганні для таго, каб развіваць перш за ўсё машынабудаўнічы комплекс. Ён у Беларусі развіты вельмі добра, - адзначыў лідар КПРФ. - Нас вельмі цікавяць вашы магчымасці і перспектывы ў гэтых адносінах".

Старшыня фракцыі прывёў у прыклад беларускія камбайны, якія могуць канкурыраваць са многімі замежнымі аналагамі. "Ён на парадак таннейшы, а па якасці, як паказалі апошнія выпрабаванні, значна лепшы. У перспектыве можна разам асвойваць гэты выраб на расійскіх вялікіх палях. Ды і ў цэлым гэта вельмі перспектыўная мадэль", - заявіў Генадзь Зюганаў.

На сустрэчы таксама ўзнімалася электрамабільная тэматыка. Было адзначана, што гэта сфера мае вялікія перспектывы, не дарма ж многія краіны ўдзяляюць ёй першарадную ўвагу. "Вы разам з кітайцамі асвоілі электрарухавік. Я лічу, што трэба кааперавацца, думаць аб тым, як гэта лепш рэалізоўваць. У гэтых адносінах вопыт узаемадзеяння Беларусі з Кітайскай Народнай Рэспублікай, наш вопыт узаемадзеяння як з Беларуссю, так і з Кітаем могуць спатрэбіцца, - лічыць палітык. - Сёння Кітай ператварыўся ў майстэрню свету, і трэба думаць, якім чынам рэалізоўваць новыя праекты. У вас шэраг праектаў ідзе добра, і тут нам таксама трэба павучыцца".

Абмяркоўвалася развіццё супрацоўніцтва і ў аграпрамысловым комплексе. Генадзь Зюганаў расказаў Прэзідэнту аб народных гаспадарках у Расіі і ў той жа час адзначыў станоўчы вопыт Беларусі па стварэнні аграпрамысловых цэнтраў - аграгарадкоў. "Я хацеў, каб мы, дзелячыся вопытам, рэалізоўвалі гэтыя праекты. Спадзяюся, што ўзаемны абмен меркаваннямі і вопытам будзе карысны нашым краінам", - дадаў ён.

Паводле слоў старшыні фракцыі КПРФ, у бліжэйшыя тыдні ў Беларусі плануецца правесці юбілейны пленум савета камуністычных партый краін былога Савецкага Саюза. Беларуская дэлегацыя запрошана ў Расію на святкаванне 100-годдзя Кастрычніцкай рэвалюцыі. Гэтыя пытанні таксама ўзнімаліся на сустрэчы з кіраўніком дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс