Прамовы і інтэрв’ю

22 кастрычніка, Мінск /Аліна Грышкевіч - БЕЛТА/. Увага ўсёй сусветнай супольнасці будзе прыкавана да маючых адбыцца самітаў у Мінску. Гэта адзначыў у гутарцы з журналістамі старшыня Белтэлерадыёкампаніі Генадзь Давыдзька, які ўдзельнічаў 21 кастрычніка ў сустрэчы Аляксандра Лукашэнкі з кіраўнікамі вядучых СМІ краін СНД, перадае карэспандэнт БЕЛТА.

Паводле слоў Генадзя Давыдзькі, Аляксандр Лукашэнка з'яўляецца найбольш яркім прыхільнікам інтэграцыі, таму ўдзельнікам сустрэчы было вельмі важна пачуць яго ацэнку многіх праблемных пытанняў, а таксама яго меркаванне адносна перспектыў далучэння іншых краін да Мытнага саюза.

Генадзь Давыдзька назваў гэта мерапрыемства дыялогам, сяброўскай сустрэчай прадстаўнікоў краін СНД. "Так, мы ўсе сябры, але ў кожнай краіны - свае інтарэсы, і гэта зразумела. Пры гэтым за многімі кінутымі на сустрэчы рэплікамі, за пастаўленымі пытаннямі тояцца глыбінныя праблемы", - перакананы кіраўнік Белтэлерадыёкампаніі.

На яго думку, гэты дыялог Прэзідэнта Беларусі з рэдактарамі практычна з усёй прасторы СНД - своеасаблівая размінка перад вялікімі палітычнымі падзеямі, якія пройдуць у Мінску. "Верагодна, вельмі шмат сіл у свеце, у тым ліку на еўрапейскай прасторы, якія не хочуць пазітыўных палітычных рашэнняў у гэтыя дні ў Мінску", - лічыць Генадзь Давыдзька.