У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

6 Чэр 2017

Філіп: Беларусь і Малдова будуюць адносіны на прынцыпах празрыстасці і прадказальнасці

Філіп: Беларусь і Малдова будуюць адносіны на прынцыпах празрыстасці і прадказальнасці

6 чэрвеня, Мінск /Кар. БЕЛТА/. Беларусь і Малдова будуюць адносіны на прынцыпах празрыстасці і прадказальнасці. Такое меркаванне выказаў журналістам прэм'ер-міністр Малдовы Павел Філіп па выніках сустрэчы з прэм'ер-міністрам Беларусі Андрэем Кабяковым, перадае карэспандэнт БЕЛТА.

Паводле слоў Паўла Філіпа, Малдова высока ацэньвае ўзровень адносін з Беларуссю. "Хацеў бы сказаць, што разглядаю супрацоўніцтва паміж Беларуссю і Малдовай як узор канструктыўных адносін, якія грунтуюцца на ўзаемапавазе. Неабходна адзначыць, што нашы адносіны будуюцца на прынцыпах празрыстасці і прадказальнасці", - сказаў прэм'ер-міністр.

Ён адзначыў, што ў беларускім урадзе прайшлі змястоўныя і канструктыўныя перагаворы. Па выніках сустрэчы бакі дамовіліся аб найбольш эфектыўным выкарыстанні дзеючых фарматаў узаемадзеяння. "Гэты візіт прадастаўляе добрую магчымасць правесці грунтоўны абмен меркаваннямі адносна рэалізацыі дамоўленасцей, дасягнутых у рамках візіту Андрэя Кабякова ў Кішынёў у кастрычніку мінулага года, і галоўных напрамкаў развіцця двухбаковага супрацоўніцтва, - лічыць Павел Філіп. - Мы зыходзім з таго, што патэнцыял адносін, асабліва ў гандлёва-эканамічнай частцы, далёка не вычарпаны".

На сустрэчы ва ўрадзе абмяркоўваліся і праекты ў прамысловай кааперацыі. "Мы дамовіліся прадоўжыць сумесную работу па зборцы беларускай тэхнікі рознага прызначэння ў Малдове, у тым ліку з перспектывай на экспарт", - дадаў Павел Філіп.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс